Pavlodar oblysynda 78 qasıetti oryn anyqtaldy
ASTANA. QazAqparat - 2018 jyly Pavlodar oblysynda sakraldy nysandardyń tólqujattaryna 5 mln. teńge jáne úsh nysanǵa arheologııalyq jumystar júrgizýge 10 mln. teńge bólý qarastyrylǵan, dep habarlaıdy pavlodarnews.kz.
Bul týraly keńeıtilgen májiliste oblystyq mádenıet, arhıvter jáne qujattama basqarmasynyń basshysy Ardaq Raıymbekov aıtty.
«Óńirde «Qazaqstannyń sakraldy geografııasy» arnaıy jobasyn júzege asyrýǵa basa nazar aýdarylady. Qazirgi tańda aımaqta 78 sakraldy oryn anyqtalǵan. Onyń 73-i oblystyq jáne beseýi respýblıkalyq tizilimge engizilgen. Árbir nysan men orynǵa tolyq ańdatpa jazý boıynsha jumys júrigizilýde», - deıdi Ardaq Raıymbekov.
Eske sala keteıik, ǵalymdardyń sheshimimen anyqtalǵan oryndardyń qatarynda Baıanaýyl aýdanyndaǵy Máshhúr Júsip kesenesi, Sultanmahmut Toraıǵyrov kesenesi, Kempirtas jáne Qońyr áýlıe syndy tarıhı oryndar bar. Al, Sharbaqty aýdanynan Ǵabdýl Ýahıt haziret kesenesi, Ekibastuz qalasynan Isabek Ishan kesenesi sol tizimniń qatarynan oryn alǵan.
