Pavlodar oblysynda 70 mektep zamanaýı sporttyq quraldarmen jabdyqtalmaq
ASTANA. QazAqparat - Pavlodar oblysynyń ortasha bilim berý uıymdarynyń arasynda «Samuryq-Qazyna» AQ jáne «Samruk-Kazyna Trust» áleýmettik jobalardy damytý qory «Bıikterge birge!» atty baıqaý jarııalady.
Oblystyq bilim berý basqarmasynyń málimetinshe, óńir basshysynyń qoldaýymen ótkiziletin baıqaýdyń maqsaty - balalar jáne jastar arasynda salaýatty ómir-saltyn dáripteý, kóshbasshylyq qabyletti damytý jáne mektepterde jańa standarttar men tehnologııalarǵa sáıkes sporttyq quraldardy sapaly jańartý. Barlyq qatysýshy-mektepter dıplommen marapattalady, dep habarlaıdy pavlodarnews.kz.
Beınerolık túrinde jiberilgen suranymdar baıqaý saıtynda jarııalanady. Jeńimpaz atanǵan 70 mektep sporttyq quraldar men ony paıdalanýǵa arnalǵan ádistemelik alady. Baıqaýǵa qatysý suranymdary 2017 jylǵy 13 sáýirge deıin myna mekenjaı boıynsha qabyldanady: Pavlodar qalasy, Ak. Shókın kóshesi, 146, «Jergilikti oqý-tájirıbelik dene shynyqtyrý ortalyǵy». Sondaı-aq baıqaý týraly tolyq aqparatpen jáne onyń reglamentimen www.meninelim.kz saıtynda tanysa alasyz.
