Pavlodar oblysynda 7 adamnyń ólimine qatysty isti tergeý bastaldy
Ólimge ákelgen belgisiz suıyqtyq qaldyqtaryna saraptama taǵaıyndaldy. «Polıtsııa anyqtaǵandaı, 26 mamyrda Ertis aýylynyń turǵyndary belgisiz suıyqtyqty tutynyp, saldarynan jeti adam kóz jumǵan. Sot-medıtsınalyq saraptamalar taǵaıyndaldy. Suıyqtyqtyń shyqqan jeri belgisiz, Ertis aýdanynyń turǵynynan alynǵan ydysta saqtalǵany anyqtaldy, - dep habarlady Pavlodar oblysy polıtsııa departamentiniń baspasóz qyzmetinde.
Atalǵan fakti boıynsha QR Qylmystyq kodeksiniń 306-baby 3-bóligi (Abaısyzda adam ólimine ákep soqqan, qaýipsizdik talaptaryna saı kelmeıtin taýarlardy shyǵarý nemese satý, qyzmetterdi oryndaý, qyzmetter kórsetý) boıynsha sotqa deıingi tergeý bastaldy.
Buǵan deıin habarlaǵanymyzdaı, Pavlodar oblysynda belgisiz zattan 7 adam ýlanyp qaldy. Aldymen 5 adam qaıtys boldy. Keıin aýrýhanaǵa jetkizilgen taǵy 2 patsıent kóz jumdy. Olardyń barlyǵy Ertis aýdany turǵynynyń úıinde bir ydysta saqtalǵan (shyǵý tegi belgisiz) suıyqtyqty ishkeni anyqtaldy.