Pavlodar oblysynda 69 aýyldyń aýyzsýy talapqa saı emes
PAVLODAR. QazAqparat - Pavlodar oblysynda aýyzsýy tutynýǵa jaramsyz 69 aýyl bar. Jyl sońyna deıin onyń 9-ynda jaǵdaı túzeledi dep kútilýde. Bul týraly Óńirlik kommýnıkatsııalar qyzmetinde ótken baspasóz jıynynda oblystyq Taýarlar jáne kórsetiletin qyzmetterdiń sapasy men qaýipsizdigin baqylaý departamentiniń basshysy Irına Sorokına málim etti, dep habarlaıdy QazAqparat pavlodarnews.kz saıtyna silteme jasap.
«2018 jyly óńirdegi barlyq aýyldyq jerlerde aýyzsýdyń sapasyn tekserýdi qolǵa aldyq. Nátıjesinde 85 aýyldyq jerdegi sýdyń sapasy talapqa saı kelmedi. ıAǵnı, úlken uńǵymalar men jeke qudyqtar tekserildi. Búginde aýyzsýdyń sapasy nashar 69 aýyl bar. Zalalsyzdandyrý jumystary jasalýda. Keıbir jerlerde tek súzgilerdi aýystyrý qajet boldy. Jyl sońynda 60 aýyl qalady degen oıdamyz. 5 aýyldan turaqty túrde synama alyp otyramyz. Óıtkeni, sý ylǵı ózgerip otyrady. Keıde taza, keıde talapqa saı bolmaı shyǵady. Oblystyq Jer qoınaýyn paıdalaný, qorshaǵan orta jáne sý resýrstary basqarmasymen birge jaǵdaıdy baqylaýda ustap otyrmyz. Sý sapasyn jaqsartý úshin tıisti sharalar jasalýda», - dedi Irına Sorokına.
Onyń aıtýynsha, óńirdegi sý qubyrlary da bakterıologııalyq kórsetkishke baılanysty tekseristen ótip turady. 94 sý qubyry baqylaýda. 230 synama alynyp, 9-y talapqa saı kelmegen.
«Sonymen qatar, sý qoımalarynan synamalar alyp otyramyz. Bular demalys oryndary. Bunda sýdaǵy vırýstardy anyqtaý boıynsha sharalar atqarylady. Sýdaǵy vırýstardan adamdar tsırrozdy menıngıtpen aýyrýy múmkin. Ol týraly budan buryn da aıtyldy. Ol – ýaqytsha aýrýlar. Bıyl tsırrozdy menıngıttiń 37 oqıǵasy tirkeldi. Bul – qarapaıym maýsymdyq kórsetkish», - dedi ol.
Aıta keteıik, bıylǵy shomylý maýsymynda sý qoımalarynan 200-den astam synama alynyp, Pavlodar qalasyndaǵy jaǵalaý mańynan 5 synama talapqa saı bolmaı shyqqan.
