Pavlodar oblysynda 6 myńǵa jýyq jaıaý adam jaýapqa tartyldy

NUR-SULTAN. QazAqparat – Pavlodar oblysynda 6 myńǵa jýyq jaıaý júrginshi jol qozǵalysy erejelerin buzǵany úshin jaýapqa tartyldy, dep habarlaıdy QazAqparat Polisia.kz saıtyna silteme jasap.

Atap aıtqanda, jaıaý adamdar joldy belgilenbegen jerden kesip ótkeni úshin jaýapqa tartylady, óıtkeni mundaı áreket jol-kólik oqıǵasy qaýpin týyndatady.

Polıtseıler jaıaý júrginshilerdiń jaýapkershiligin eske salady, sebebi joldaǵy qaýipsizdik jaıaý júrginshige de, kólik júrgizýshisine de baılanysty. Eki jaqta da táýekel bar.

Jazataıym oqıǵalardyń aldyn alý úshin birqatar negizgi erejelerdi saqtaý qajet.

Jaıaý júrginshiler trotýarmen nemese jaıaý júrginshiler jolymen, al olar bolmaǵan kezde jol jıekterimen qozǵalýy tıis.

Rettelmeıtin jaıaý júrginshiler ótpelerinde kólik júretin bólikke jaqyndap kele jatqan avtomobılge deıingi qashyqtyqty, olardyń jyldamdyǵyn baǵalap, ótý qaýipsiz bolatynyna kóz jetkizgennen keıin shyǵa alady.