Pavlodar oblysynda 58 júrgizýshi kóligine jalǵan nómir taǵyp alǵan
PAVLODAR. QazAqparat – Pavlodar oblysynda bıylǵy jyl basynan beri kóligine jalǵan memlekettik tirkeý nómirin taǵyp alǵan 58 júrgizýshi anyqtaldy, dep habarlaıdy QazAqparat Polisia.kz saıtyna silteme jasap.
«Atalǵan buzýshylyq QR ÁQBtK 590-babynyń 4-bóliginde qarastyrylǵan. Bul, 20 AEK mólsherinde (58 340 teńge) aıyppul salýǵa nemese bir jyl merzimge kólik quraldaryn basqarý quqyǵynan aıyrýǵa ákep soǵady», – dedi Pavlodar oblysy Polıtsııa departamenti jergilikti polıtsııa qyzmeti basqarmasynyń bastyǵy Ǵalym Sarǵulov.
Mysalǵa, Pavlodar qalasynda saǵat 22:00-de Toraıǵyrov kóshesin patrýldeý kezinde polıtsııa qyzmetkerleri manevr jasaý erejelerin buzǵany úshin Toyota avtokóliginiń júrgizýshisin toqtatqan. Júrgizýshi QR ÁQBtK 595-babynyń talaptaryn buzǵan.
«Qujattardy tekserý kezinde júrgizýshi kóligine jalǵan memlekettik tirkeý nómirlik belgilerin ornatqany anyqtaldy. Atalǵan fakti boıynsha QR ÁQBtK-niń 590-baby 4-bóligimen ákimshilik is qozǵaldy. Materıal sheshim qabyldaý úshin mamandandyrylǵan ákimshilik sotqa jiberildi. Avtokólik aıyp turaǵyna jetkizildi», - delingen málimette.
