Pavlodar oblysynda 555 polıtseı marapattaldy
PAVLODAR. QazAqparat - Pavlodarda Qazaqstan polıtsııasy kúnine arnalǵan saltanatty shara ótti, dep habarlaıdy pavlodarnews.kz.
Merekege oraı uıymdastyrylǵan saltanatty sharada sóılegen oblystyq polıtsııa departamentiniń bastyǵy, polıtsııa general-maıory Amantaı Áýbákirov áriptesterin quttyqtady.
«Bul turǵyndardyń tynyshtyǵy men qaýipsizdigi úshin janyn qıǵan azamattardyń erligin men batyrlyǵyn kózge elestetetin mereke.
Bizge eldiń tynyshtyǵyn saqtap, Otan úshin qyzmet etý úlken abyroı. Osy saltanatty kúni sizderge zor densaýlyq, otbasylaryńyzǵa amandyq, qyzmetterińizge tabys tileımin»,- dedi Amantaı Áýbákirov.
Kásibı merekege oraı óńirdiń birqatar tártip saqshylary Іshki ister mınıstriniń buıryǵymen jańa shenderge, sonymen qatar «Іshki ister organdary» tósbelgileri men baǵaly syılyqtarǵa ıe boldy. Oǵan qosa, qyzmetterin abyroımen atqarǵan polıtseıler Pavlodar oblysy ákiminiń qurmet gramotalarymen marapattaldy.
Syı-qurmetke polıtsııa ardagerleri de keneldi. Sondaı ardagerleriniń biriotstavkadaǵy polkovnık Temirhan Mataev jastardy kishipeıildilikke, halyqqa jaqyn bolýǵa shaqyrdy.
«Іshki ister organdarynda 30 jyl qyzmet istedim. Bizdiń kezimizde tehnıkalyq qamsyzdandyrý óte nashar bolatyn. Mysaly, baspa mashınasynda jumys isteýge kezekke turatynbyz. Al, qazir polıtseıdiń barlyǵynda derlik jeke kompıýter bar. Jastarǵa aıtarym, halyqqa jaqyn bolyńdar»,- deıdi Temirhan Mataev.
Aıta keteıik, mereke kúni Pavlodar oblysynyń 555 tártip saqshysy ártúrli nagradalarmen marapattalyp, taǵy 299 polıtseı jalpy somasy 11 mıllıon teńge syıaqyǵa ıe boldy.
Merekelik kesh kontsertke ulasty.
