Pavlodar oblysynda 55 ózbekstandyq jolaýshysy bar avtobýs buzylyp qaldy
PAVLODAR. QazAqparat - Pavlodar oblysynda polıtseıler buzylǵan avtobýsta qalyp qoıyp qoıǵan Ózbekstannyń 55 azamatyna kómek kórsetti, dep habarlaıdy «QazAqparat» HAA tilshisi.
«Pavlodar-Qyzylorda tasjolynda Dostyq aýylynyń mańynda 55 ózbekstandyq mingen avtobýs buzylyp qalǵan. Jergilikti polıtsııa qyzmetiniń mamandary kómek kórsetti», - dep habarlady Pavlodar oblystyq ІІD baspasóz qyzmeti.
Polıtsııa men ákimdik jolaýshylardy Dostyq aýylyndaǵy mektepke ornalastyrǵan. Olardy tamaqtandyryp, Reseımen shekaraǵa jetkizetin ekinshi avtobýs taýyp bergen. Olardy shekaradan reseılik avtobýs alyp ketken, dep málim etti ІІD.
Eske salaıyq, 18 qańtarda Aqtóbe oblysynda Ózbekstannan Reseıge bet alǵan jolaýshylar avtobýsy órtenip, 52 adam qaza tapqan edi. Osy qaıǵyly oqıǵadan keıin Qazaqstanda jolaýshy tasymaly salasyn tekserý uıymdastyryldy.
