Pavlodar oblysynda 50 ustazǵa 2,6 mln teńgeden syılyqaqy beriledi
PAVLODAR. QazAqparat - Pavlodar oblysynda Muǵalimder kúni qarsańynda 15 ustazǵa 2,6 mln teńgeden, al jyl sońyna deıin taǵy 45 muǵalimge osynshama syılyqaqy beriledi, dep habarlaıdy QazAqparat Ravlodarnews.kz-ke silteme jasap.
Bul týraly oblys ákimi Ábilqaıyr Sqaqov tamyz konferentsııasynda aıtty.
- Bıylǵy jyly men «Pavlodar oblysynyń bilim berý júıesin damytýǵa qosqan úlesi úshin» marapatyn taǵaıyndadym. Qazan aıynda Muǵalimder kúni qarsańynda ony 15 muǵalim alady. Sonymen qatar, olarǵa 2,6 mln teńgeden syılyqaqy beriledi. Jyl sońyna deıin osyndaı marapat jáne syılyqaqy taǵy 35 muǵalimge berý josparda. Erteńgi kúnniń enshisi búgingi urpaqtyń bilimi men tárbıesine baılanysty. Sondyqtan bilim berý – jaýapkershiligi mol abyroıly is. Ony ózderińizden artyq eshkim bilmeıdi. Osy oraıda búgingi jıynnyń mańyzy zor. Elimizdiń mereıi ústem, eńsesi bıik, týymyzdyń tuǵyry berik bolsyn! – dedi oblys ákimi.
Sondaı-aq aımaq basshysy «Muǵalimniń mártebesi týraly» zańnyń qabyldaýyna úlken úmit artatynyn jetkizdi.
- Sizderdiń quqyqtaryńyz ben zańdy múddelerińizdi saqtaý máselesi óte mańyzdy. Kóptegen erekshe fýnktsııalardan bosatý jáne bizdiń únemi qoldaýymyz sizderdi jańa jetistikterge jeteleıdi dep senemin. Aldaǵy ýaqytta pavlodarlyq muǵalimder men stýdentterdiń kóptegen jeńisterge jetetindigine senimdimin, - dep atap ótken oblys ákimi ustazdar qaýymyn jańa oqý jylynyń bastalýymen quttyqtady.
