Pavlodar oblysynda 50 kólik qar qursaýynda qaldy
PAVLODAR. QazAqparat - Aýa raıynyń qolaısyzdyǵynan 50-ge taıaý kólik memlekettik shekara mańynda, Sharbaqty jáne Qulyndy (RF) arasynda qar qursaýynda qaldy, dep habarlaıdy «QazAqparat» HAA tilshisi kórgenderge silteme jasap.
«Adamdar Reseımen aradaǵy shekarada, Sharbaqty-Qulyndyda trassada tórt saǵattan beri tur, pavlodarlyq tótenshelikter eshnárse istemeýde»,- dep málim etti Sergeı esimdi azamat. Adamdar ( 50 avtomobıl) qar qursaýynda qaldy. Adamdar Qulyndydan shyqqan. Olar joldy tazartýda. Jurt bizdiń terrıtorııada traktordy da aıaıtynyn qaıdan bilsin».
Sergeı men onyń dosy Konstantın Barnaýyldan qaıtyp kele jatqan. Olardyń aıtýlarynsha, ol jaqta burqasyn baıaýlaý ári joldy tazartýǵa úlgerip te jatyr. Shekaradan ótken soń alapat boran saldarynan amalsyz toqtaýǵa májbúr bolǵan.
« Bári bekette toqtap tur, TJ-ǵa qońyraý shaldyq. Osydan tórt saǵat buryn kentten traktor jiberýge ýáde etken edi, adamdar ózderi qardy arshýda. Pavlodardan keden baǵytyna qaraı shamamen 20 mashına tur. Múmkin odan da kóp. Qarańǵy. Eshnárse kórinbeıdi».
