Pavlodar oblysynda 5 myń adam jaýapkershilikke tartyldy
PAVLODAR. QazAqparat - Polıtsııa ınspektorlary «Ýchaske» jedel aldyn alý is-sharasy aıasynda 52 myńnan asa páter men 35 myńnan astam jeke turǵyn úıdi tekserip shyqty, dep habarlaıdy pavlodarnews.kz oblystyq ІІD-niń baspasóz qyzmetine silteme jasap.
«Polıtsııa ınspektorlary turǵylyqty orny boıynsha 2 myńnan asa esepte turǵan adamdy tekserdi. Qosymsha 391 adamdy esepke qoıdy. Páterlerdi tekserý kezinde azamattyq qarý ıeleri basty nazarǵa alyndy»,- deıdi departamentte.
Sebebi qoldanystaǵy zańnama ózgeristerine sáıkes azamattyq qarýdy satyp alý jáne saqtaý úshin páterde kúzet dabyly nemese atys qarýyn saqtaýǵa arnalǵan seıfte dabyl belgisi ornatylýy tıis. Nátıjesinde 7007 azamattyq qarý ıesi tekserilip, qarý saqtaý erejesin buzýdyń 231 faktisi anyqtalǵan. Saqtaý erejesin buzǵany úshin 57 birlik qarý alyndy. Sondaı-aq bes myń adam ákimshilik jaýapkershilikke tartyldy. Onyń ishinde 223-i otbasynda janjal shyǵarǵan, 254-i usaq buzýshylyq jasaǵan jáne 614-i alkogoldik ishimdik tutynǵan.
Atalmysh shara aǵymdaǵy jyldyń 5 jeltoqsanyna deıin jalǵasady.
