Pavlodar oblysynda 5 aıdyń ishinde 1353 otbasy ajyrasyp ketken
PAVLODAR. QazAqparat - Pavlodar oblysynda bıylǵy jyldyń bes aıy ishinde 1597 neke tirkelgen. Esesine, 1353 otbasynyń shańyraǵy shaıqalǵan, dep habarlaıdy ravlodarnews.kz.
Azamattyq hal-aktilerin tirkeý uıymynyń aqparatyna súıensek, 2018 jyly 1000 neke qııýǵa, 850 ajyrasý keledi. Osylaısha, otbasy qurǵandar sany 4,7 paıyzǵa tómendep, ajyrasqandar sany 7,4 paıyzǵa ósken.
«Ertis óńirindegi eń jas - 16 jastaǵy úsh qalyńdyq nekege turǵan. Al jigitterdiń arasynda 17 jastaǵy eki bozbala kúıeý bala atanǵan. Sondaı-aq, neke qıǵandardyń ishinde 87 jastaǵy qalyńdyq pen 89 jastaǵy er adam bar», - deıdi óńirlik statıstıka departamentiniń basshysy Dana Sultanova.
