Pavlodar oblysynda 450 tonna shóp órtenip ketti - QR TJM
ASTANA. 30 tamyz. QazAqparat - Pavlodar oblysynyń Evgenevevka aýylynda keshe túnde «Sergeı» sharýashylyq qojalyǵy aýmaǵynda 3 maıa shóp janyp ketti, dep habarlady QR TJM.
Órt tolyǵymen 18 saǵattan soń sóndirildi. Tilsiz jaýdy aýyzdyqtaýǵa QR TJM Pavlodar oblysy boıynsha TJD órtke qarsy qyzmetiniń 12 adamy men 3 tehnıkasy, Shuǵyl órt sóndirý qyzmetiniń 20 adamy men 6 tehnıkasy jumyldyryldy.
Jalyn sharpyǵan aýmaq 1,5 gektardy (450 tonna shóp) qurady. Qaza bolǵandar men zardap shekkender joq.
