Pavlodar oblysynda 40 jastaǵy jolaýshy kólik apatynan mert boldy

PAVLODAR. QazAqparat - Pavlodar oblysynda jol apatynan bir adam qaıtys boldy, dep habarlaıdy QazAqparat polıtsııaǵa silteme jasap.

Oqıǵa 25 sáýir saǵat 15:30 shamasynda Astana-Pavlodar tasjolynyń 1207/142 shaqyrymynda Ekibastuz qalasy Báıet aýylynyń mańynda bolǵan.

47 jastaǵy Hyunday Solaris avtokóliginiń júrgizýshisi róldi basqara almaı, Daimler Chrysler júk kóliginiń tirkemesiniń artqy bóligine soqtyǵysqan.

Jol apaty saldarynan Hyunday kóliginiń 40 jastaǵy jolaýshysy alǵan jaraqatynan oqıǵa ornynda kóz jumdy, 16 jastaǵy jolaýshy aýrýhanaǵa jatqyzyldy.

Kólikter arnaıy turaqqa qoıyldy. Saraptama taǵaıyndaldy. Tekseris júrip jatyr.