Pavlodar oblysynda 4 janarmaı beketine 40 mln teńge aıyppul salynýy múmkin
ASTANA. QazAqparat - Pavlodar oblysynda janar-jaǵarmaıdyń bólshek saýdasyn júzege asyratyn kompanııalarǵa qatysty tekserý jumystary aıaqtaldy, dep habarlaıdy QazAqparat monopolııaǵa qarsy organ qyzmetine silteme jasap.
«Janar-jaǵarmaıdyń bólshek saýdasyn júzege asyrýshy naryq sýbektilerine janar-jaǵarmaı baǵasyn belgileý men ony ustap turýda besekelestikke qarsy áreketterge jol berý jaǵdaıyna qatysty tekserý jumystary aıaqtaldy»,-dep habarlady Ulttyq ekonomıka mınıstrliginiń Tabıǵı monopolııalardy retteý, básekelestik pen tutynýshylardyń quqyqtaryn qorǵaý komıtetiniń ókilderi.
Tekserý jumystarynyń nátıjesi boıynsha, Pavlodar oblysyndaǵy eń iri degen 4 janar-jaǵarmaı beketiniń ıelerine qatysty ákimshilik óndiris qozǵaldy. Ákimshilik istiń materıaldary qaraý úshin Pavlodardyń mamandandyrylǵan ákimshilik sotyna joldandy.
Materıaldar boıynsha salynýy múmkin aıyppuldyń kólemi monopolııalyq kiristi qosa alǵanda 40 382 788 teńgeni qurap otyr.
