Pavlodar oblysynda 4 muǵalim men 14 oqýshydan koronavırýs anyqtaldy
PAVLODAR. QazAqparat – Pavlodar oblysynda 4 muǵalim men 14 oqýshydan koronavırýs anyqtaldy, dep habarlaıdy QazAqparat Pavlodarnews.kz saıtyna silteme jasap.
«Búginde oblysta 356 mekteptiń ishinde shalǵaı aýyldardaǵy 184 mektepte 10 myńnan astam bala dástúrli túrde bilim alýda. 172 mekteptegi 70 myńnan astam oqýshy qashyqtan oqıdy. Sondaı-aq 164 mektepte kezekshi synyptar uıymdastyryldy. 2451 kezekshi synypqa sabaq berý úshin 2285 muǵalim jumyldyryldy. Ár synypta oqýshy sany 15-ten aspaıdy», - dedi Pavlodar oblysy Bilim basqarmasynyń basshysy Dinıslam Bolathanuly Óńirlik kommýnıkatsııalar qyzmetindegi baspasóz jıynynda.
Spıkerdiń aıtýynsha, óńirde 4 muǵalimnen jáne 14 oqýshydan koronavırýs juqtyrǵan.
«14 oqýshynyń arasynda qashyqtan jáne onlaın bilim alǵandary da bar. Barlyǵy qazir úılerinde. Olardyń keıbiri em qabyldap jatsa, endi biri jazylyp shyqqan. Іndetten aıyqqan oqýshylar da úılerinde. Oǵan qosa, salqyn tıip aýyryp qalǵan oqýshylardy da baqylap otyrmyz. Ondaı oqýshylar 5,4 paıyzdan aspaıdy», - dedi D.Bolathanuly.
