Pavlodar oblysynda 340 mektep jumysyn bastaýǵa ruqsat aldy
Oblys ákimdiginiń keńeıtilgen otyrysynda aldaǵy oqý jylynyń máseleleri talqylandy.
Bilim basqarmasynyń basshysy Dinıslam Bolathanulynyń aıtýynsha, bıyl Pavlodar oblysynyń mektepteri 114,1 myńǵa jýyq balany qabyldaıdy. Bul ótken jylmen salystyrǵanda 3 myń oqýshy kóp. Birinshi synyptardyń partasyna 11 508 oqýshy otyrady.
«Bıyl Bilim kúni QR Táýelsizdiginiń 30 jyldyǵyna arnalady. 1 qyrkúıek kúni sanıtarlyq-epıdemıologııalyq talaptardy saqtaı otyryp, qatysýshylardyń sanyn shekteý arqyly barlyq mekteptiń birinshi synyp oqýshylary úshin «Kel, balalar, oqylyq!», 2-11 synyptardyń bilim alýshylary úshin bekitilgen kabınetterde «Táýelsizdik jetistikteri» taqyrybynda respýblıkalyq synyp saǵattary men ashyq sabaqtar ótkiziledi. Mektepke klassıkalyq stıldegi yńǵaıly kıimmen barýǵa ruqsat etiledi» , - dep atap ótti Dinıslam Bolathanuly.
Sanıtarlyq qaýipsizdikti qamtamasyz etý úshin mektepterde kúndelikti tańerteńgi fıltr, jeldetý, kvartsteý, dezınfektsııalaý jáne dymqyl tazalaý júrgiziledi. Sondaı-aq, barlyq oqý oryndarynyń pedagogtary men tehnıkalyq qyzmetkerleri Ashyq baǵdarlamasy boıynsha jumys isteıdi.
«Mektepterge alty kúndik oqý aptasyna kóshýge ruqsat etiledi. Jumys tártibi boıynsha sheshimdi oqý oryndarynyń basshylyǵy, qamqorshylyq keńesteri jáne ata-analar qoǵamdastyǵy ózderi qabyldaıdy. Muǵalimder men oqýshylar úshin betperde rejımi saqtalady, mektepke bógde adamdardyń kirýine tyıym salynady» , - dedi bilim basqarmasynyń basshysy.
Pavlodar oblysynyń ákimi Ábilqaıyr Sqaqov árbir oqý ornynda epıdemıologııalyq rejımdi saqtaýǵa nazar aýdardy. Búgingi tańda epıdemıologtardyń monıtorıngine jatatyn 352 mekteptiń ishinde 340 mektep mamandardyń jumysty bastaýǵa ruqsat beretin qorytyndy aldy. «Oqý protsesiniń bastalýymen oqý oryndaryn jekelep tekserý qajet. Barlyq saqtyq sharalary qabyldanǵandyǵy túsinikti, biraq olardyń qanshalyqty saqtalatynyn bilý kerek. Qaýipsizdik máselesi balalar, muǵalimder, ata-analar úshin de óte mańyzdy», - , - dep málimdedi óńir basshysy.
Mektepterde qoǵamdyq qaýipsizdikti qamtamasyz etýge basa nazar aýdarylady. Qazirgi kezde barlyq oqý oryndarynyń 15%-y áli de dabyl túımesimen jabdyqtalmaǵan. Bul oblystyq bıýdjet naqtylanǵannan keıin joıylady. Sonymen qatar, mektepterdegi vahter arnaıy kúzetke aýystyrylady.
Mysaly, Pavlodardaǵy 158 bilim berý uıymdarynda balalardyń qaýipsizdigine kúzet agenttikteriniń qyzmetkeri jaýap beredi. Bul tájirıbeni basqa qalalar men aýdandarǵa taratý úshin arnaıy uıymdar jetispeıdi. Qazirgi tańda oblys boıynsha tek 9 lıtsenzııalanǵan kúzet agenttigi jumys isteıdi.
Ábilqaıyr Sqaqov bul jaǵdaı kásibı ortany qalyptastyryp, usynylatyn qaýipsizdik qyzmetteriniń sapasyn arttyrýdy qajet etetin bıznes ókilderi úshin sebep bolýǵa tıis ekenin atap ótti. Sonymen qatar, Ekibastuz qalasynyń ákimi Ardaq Qańtarbaev pen Ertis aýdanynyń basshysy Aıan Beısekın mektepterdiń jańa oqý jylyna daıyndyǵy týraly aıtyp berdi. Oblys ákimi qalalar men aýdandardyń ákimderine bilim berý mekemelerindegi qaýipsizdikti qamtamasyz etýdegi jaýapkershilikti eske saldy. Pandemııa kezinde oqý úderisin uıymdastyrý qazirgi tańdaǵy asa mańyzdy mindet.
