Pavlodar oblysynda 30 jolaýshysy bar avtobýs aýdaryldy
PAVLODAR. QazAqparat – Pavlodar oblysynda 30 jolaýshy mingen avtobýs jol jıegindegi jyraǵa aýdaryldy, dep habarlaıdy QazAqparat tilshisi.
«Úshinshi aqpan kúni, saǵat 19:30-da Ekibastuz qalasyndaǵy Jaýapkershiligi shekteýli seriktestikteriniń biriniń júrgizýshisi №120 marshrýty boıynsha «Volvo» avtobýsyn aıdap kele jatyp, «Ekibastuz - KP Batyr» tasjolynda (ıÝjnaıa beketi mańynda) rýlge ıe bola almaı qalyp, jyraǵa qulap ketti. Avtobýsta 30 adam bolǵan, barlyǵy JShS jumysshylary», - dedi Pavlodar oblystyq Polıtsııa departamenti jergilikti polıtsııa qyzmeti basqarmasynyń basshy orynbasary Qýanysh Mustafınov.
Jolaýshylar men júrgizýshi zardap shekken joq. Keıinirek jolaýshylarǵa basqa avtobýs usynyldy.
«Medıtsınalyq kýálandyrý nátıjesi boıynsha júrgizýshi saý bolǵan. Avtobýs arnaıy aıypturaqqa qoıyldy. Tekseris júrip jatyr», - dep tolyqtyrdy PD-dan.
