Pavlodar oblysynda 30-dan astam mas júrgizýshi jeti jylǵa kýáliginen aıyryldy
PAVLODAR. QazAqparat – Jyl basynan beri Pavlodar oblysynda 31 júrgizýshi mas kúıde kólik júrgizgeni úshin jeti jylǵa kýáliginen aıyryldy, dep habarlaıdy QazAqparat tilshisi.
«Ertis mańy turǵyndaryn jol erejesin tolyqtaı saqtaıdy dep aıta almaımyz. Buǵan tártip buzýshylardyń statıstıkasy dálel. Tizimde qaýipsizdik belbeýin taqpaǵan júrgizýshiler kósh bastap tur. Olardyń sany myńǵa jýyq. Olardan qatty jyldamdyqpen júrgendi jaqsy kóretinder qalyspaıdy – 848 júrgizýshi jyldamdyq rejımin buzǵan», - dep habarlady Pavlodar oblystyq polıtsııa departamentiniń baspasóz qyzmeti.
Baǵdarshamnyń tyıym salynǵan belgisinen ótip ketkeni úshin 493 oblys turǵynyna qatysty ákimshilik materıaldar toltyryldy. Tyıym salynǵan jerden joldy kesip ótkeni úshin 1313 turǵyn jaýapqa tartylǵan.
2020 jyldyń basynan beri óńirde 161 júrgizýshi mas kúıde kólik tizgindegen. Onyń ishinde 31-i jeti jylǵa júrgizýshi kýáliginen aıyrylyp, 15 táýlikke qamaldy.
Avtor: Anton Gagarın
