Pavlodar oblysynda 3 sportshy qysqy Olımpıadaǵa joldama utyp aldy

PAVLODAR. QazAqparat - Pavlodarlyq shańǵyshy Anna Shevchenko jáne short-trekshiler Denıs Nıkısha men Kım Iong A Ońtústik Koreıada ótetin qysqy Olımpıada oıyndarynda Qazaqstannyń namysyn qorǵaıdy.

Oblystyq dene shynyqtyrý jáne sport basqarmasynyń málim etýinshe, alǵashqy bolyp shańǵyshy Anna Shevchenko joldamaǵa qol jetkizdi, dep habarlaıdy pavlodarnews.kz.

 Aıta keteıik, mánerler syrǵanaý, short-trek jáne konkımen júgirý boıynsha Qazaqstan quramasy 23 joldama utyp alǵan. Onyń ekeýi pavlodarlyqtardyń enshisinde. Erler men qyzdar arasynda 500, 1000, 1500 metrlik jarysqa pavlodarlyq Denıs Nıkısha men Kım Iong A qatysady. - Jýyq arada bul sportshylardyń qataryna bıatlonshy Maksım Braýn qosylýy múmkin, - dedi basqarma mamandary.

 Eske salaıyq, Ońtústik Koreıada aqpannyń 9-25 aralyǵynda ótetin qysqy Olımpıada oıyndarynda Qazaqstan ulttyq quramasy sapynda 12 pavlodarlyq sportshy óner kórsetýi múmkin. Olardyń qatarynda bıatlonshylar Anton Pantov, Darııa Klımına, Tımýr Kýts pen Aleksandra Sasına, shańǵyshylar Irına Bykova men Darıa Rıajko, sonymen qatar short-trekshiler Olga Tıhonova, Erkebulan Shamuhanov ta bar. Ulttyq quramanyń naqty tizimi qańtar aıynyń ortasynda belgili bolady.