Pavlodar oblysynda 3 otbasy saýnada hlordan ýlandy
PAVLODAR. QazAqparat – Pavlodar oblysynyń Aqsý qalasynda 9 adam saýnadaǵy hlordan ýlanyp qaldy. Onyń ishinde 5 bala bar. Bul aqparatty QazAqparat tilshisiniń saýalyna jaýap bergen Aqsý qalasy ákiminiń orynbasary Nurlan Baıbákirov rastady.
«24 tamyzda saǵat shamamen 21:00-de jedel járdem qyzmetine Aqsý qalasyndaǵy saýnalardyń birinde adamdardyń ýlanǵany týraly habarlama tústi. Oqıǵa ornyna dereý barǵan dárigerler 3 balaǵa kómek kórsetip, olar aýrýhana jatqyzyldy. Qalǵandarynyń densaýlyq jaǵdaıy qalypty. Bir táýlikten keıin ýlanǵan 3 bala aýrýhanadan shyǵarylyp, úılerine jiberildi. Degenmen olar ázirge dárigerlerdiń baqylaýynda bolady.
Qazirgi ýaqytqa deıin belgili bolǵan málimet negizinde 3 otbasy, ıaǵnı 9 adam saýnaǵa tanystarynyń týǵan kúnin atap ótýge barǵan. Aldyn ala aqparatqa sáıkes, adamdar basseındegi hlordan ýlanǵan.
Bul jaǵdaıǵa baılanysty sanıtarııalyq-epıdemıologııalyq qyzmet mamandary tekserý jumystaryn bastady», - dep málimdedi Nurlan Baıbákirov tilshi saýalyna oraı.
Qosa ketsek, buǵan deıin Atyraý oblysyndaǵy Teńiz ken ornynda 30-dan astam jumysshy tamaqtan ýlanyp qalǵanyn habarlaǵan bolatynbyz.
