Pavlodar oblysynda 3 mln gektar egistik jer tsıfrlandyryldy
Sonymen birge aýyl sharýashylyǵyna qajet janarmaıdy elektrondy úılestirý júıesi pılottyq rejimde jumys isteýde. Bul Pavlodar oblysy ákiminiń halyq aldyndaǵy esebi kezinde málim boldy. Turǵyndar aldynda sóılegen Bolat Baqaýov aýyl sharýashylyǵy salasynda atqarylǵan isterdi sanamalap, aldaǵy mindetterdi atap ótti.
«Byltyrǵy jyly aýyl sharýashylyǵynda 15,3 mıllıard teńge somaǵa 55 ınvestıtsııalyq joba júzege asyryldy. Іri jobalardyń qatarynda 3106 bas malǵa arnalǵan alty sútti-taýarly ferma, alty mal sharýashylyǵy jaılary, shoshqa ósirý kesheni, qus fabrıkasy, elevator, kókónis qoımasy, toǵyz dán qoımasy bar. Agrarlyq sektorda júzege asyrylǵan barlyq jańa jobalar aýyldaǵy jańa jumys oryndaryn ashýǵa múmkindik beredi»,- dep atap ótti Bolat Baqaýov.
Oblys ákiminiń aıtýynsha, sońǵy úsh jylda óńirge 3600 bas asyl tuqymdy mal jetkizildi, onyń jartysy ótken jyly ákelindi. Osy jyly on myńǵa jýyq asyl tuqymdy mal satyp alý josparlanyp otyr. Ósimdik sharýashylyǵynda egistik alqaptaryn ulǵaıtý, egistikterdi dıversıfıkatsııalaý jáne tórt myńǵa jýyq sýarmaly egin alqaptaryn engizý arqyly jaqsy astyq alyndy.