Pavlodar oblysynda 29 ata-ana ákimshilik jaýapkershilikke tartyldy
ASTANA. QazAqparat - Pavlodar oblysynda «Kóktemgi demalys» jedel-aldyn alý is-sharasyn ótkizý barysynda balalardy tárbıeleý boıynsha mindetin atqarýdan jaltarǵan 29 ata-ana ákimshilik jaýapkershilikke tartyldy.
Oblystyq ІІD baspasóz qyzmetiniń málimetinshe, aldyn alý is-sharasy óńir aýmaǵyndaǵy barlyq mektepti qamtyǵan, dep habarlaıdy pavlodarnews.kz.
Oǵan bilim berý, densaýlyq saqtaý ókilderi, prokýratýra organdary, «Nur Otan» HDP oblystyq fılıalynyń ókilderi men ata-analar qatysqan. - Іshki ister organdaryna barlyǵy 103 kámeletke tolmaǵan jetkizildi. Onyń ishinde 82-si ákimshilik quqyq buzýshylyq, segizi usaq buzýshylyq jasaǵan jáne segizi alkogoldik ishimdikterdi qoldanǵan, - dedi departamentte.
Túngi ýaqyttarda zańdy ókilderdiń alyp júrýinsiz kóńil kóteretin oryndarda tabylǵany úshin 68 ata-ana, túngi ýaqyttarda kámeletke tolmaǵandardy kóńil kóteretin oryndarǵa kirgizgeni úshin bes mekeme ıesi men 10 ata-ana jaýapkershilikke tartylǵan. Reıdtik is-shara barysynda 372 nashar otbasy men esepte turǵan 157 kámeletke tolmaǵan jasóspirimniń turǵylyqty jeri tekserildi. 27 kámeletke tolmaǵan jáne 26 nashar otbasy Іshki ister organdarynyń esebine alyndy.
