Pavlodar oblysynda 25 jastaǵy jigit iz-túzsiz joǵalyp ketti
ASTANA. QazAqparat- Pavlodar oblysynyń Aqsý qalasyna qonaqqa barǵan pavlodarlyq turǵyn Begalınov Marat Aqylbekuly maýsym aıynyń 29-nan 30-na qaraǵan túni joǵalyp ketti, dep habarlaıdy «QazAqparat» HAA tilshisi.
Týystarynyń aıtýynsha, 29 maýsym kúni keshke Marat joldastarynyń úıine qonaqqa barǵan. Otyrys barysynda jas jigit syrtqy aýlaǵa temeki shegýge shyǵyp, qaıtyp oralmaǵan. Qazirgi ýaqytta Marattyń qaıda ketkeni belgisiz.
Joǵalǵan jigittiń týystary birden tártip saqshylaryna habar beripti. Quqyq qorǵaý organynyń qyzmetkerleri kóshedegi beınebaqylaý kameralary arqyly Marattyń jalǵyz ketip bara jatqanyn kórip, boljam boıynsha qaıda baǵyt alǵanyn anyqtaýda.
«Marat orta deneli, boıy 184 santımetr. Kózik kók, shashy qysqa ári qoıý qara. Sol jaq kózinde jara belgisi bar. Joǵalǵan ýaqytta djınsy shalbar men kóılek kıgen. Maratty kórgender bolsa, 87017313821, 87789436964 nómirine nemese 102-ge habarlaýdy suraımyz», - deıdi Marattyń bólesi Gúljan Hamıtova.
