Pavlodar oblysynda 200 mln teńgeden astam bıýdjet qarajaty jymqyrylǵany anyqtaldy

NUR-SLTAN. QazAqparat - QR Qarjy mınıstrligi Qarjy monıtorıngi komıtetiniń Pavlodar oblysy boıynsha Ekonomıkalyq tergeý departamentiniń qyzmetkerleri «Qazyna» jedel-aldyn alý is-sharasy aıasynda oblystyq prokýratýra qyzmetkerlerimen birlesip, oblystyń agroónerkásiptik keshen sýbektilerine bólingen bıýdjet qarajatyn jymqyrý faktilerin anyqtady.

Pavlodar oblysynyń aýmaǵynda tirkelgen sharýa qojalyqtary Reseı Federatsııasynan iri qara mal satyp alý úshin «Sybaǵa» memlekettik baǵdarlamasy aıasynda bıýdjetten jalpy somasy 233 mln. teńgege sýbsıdııa alǵandyǵy anyqtaldy, dep habarlady QR Qarjy mınıstrliginiń QMK baspasóz qyzmeti.

Sýbsıdııalar alý ótinimderine jáne iri qara malyn satyp alý-satý sharttaryna sáıkes 2018-2019 jyldary oblys agrokásipkerleri RF kásiporyndarynan «Gereford» tuqymdy 1447 bas ІQM satyp alyp, QR-na ákelgen. Alaıda, RF ýákiletti organdarynyń málimeti boıynsha, iri qara malynyń eskporty qazaqstandyq birqatar sharýa qojalyqtaryna qatysty júzege asyrylmaǵan.

Tintý júrgizý barysynda mórler (onyń ishinde RF ýákiletti memlekettik mekemeleriniń mórleri), keńse jabdyqtary, aqsha qarajattary, býhgalterlik jáne basqa da qujattar tárkilenip alyndy.

«Kúdiktilerdiń áreketi QR QK 190-baby 4-b. sáıkes baǵalanyp, múlki tárkilene otyryp, 7 jylǵa deıin bas bostandyǵynan aıyrylyýy múmkin. Búgingi tańda kúdiktiler 96 mln. teńgeden astam somada keltirilgen zalaldy respýblıkalyq bıýdjetke ótedi. Tergeý amaldary jalǵasýda»-delingen habarlamada.