Pavlodar oblysynda 200 mektepte shahmat úıirmeleri ashyldy
ASTANA. QazAqparat - Búgin Pavlodar oblysynyń 200 mektebinde shahmat úıirmeleriniń saltanatty ashylýy boldy. Oǵan ataqty grossmeısterler men sport ardagerleri qatysty, dep habarlaıdy pavlodarnews.kz
Onyń 110-y aýyl mektepteri. Atalǵan jobany iske asyrý úshin oblystyq bıýdjetten 126 mln. teńge bólindi. Úıirmelerdi saltanatty túrde ashý sheńberinde 3121 adamnan astam oqýshy qamtylǵan bir rettik oıyn seansy uıymdastyryldy. Pavlodar qalasynyń № 25 jalpy bilim berý mektebindegi shahmat úıirmesiniń saltanatty ashylýyna oblys ákimi Bolat Jumabekuly Baqaýov qatysty. Sonymen qatar, halyqaralyq grossmeıster, senorıtalar arasyndaǵy 2013 jylǵy álem chempıony Elena Ankýdınova mektep oqýshylarymen bir rettik oıyn seansyn ótkizdi.
Qazaqstan Respýblıkasynda 2017 jyly «Mekteptegi shahmat» pılottyq baǵdarlamasy bastaý alady. 2017-2020 jyldary baǵdarlamany aprobatsııalaý josparlanǵan bolatyn. Jobaǵa respýblıkamyzdyń 3 oblysy: Almaty, Qyzylorda, Pavlodar qatysatyn bolady. 2017 jylǵy qyrkúıek aıynan bastap Pavlodar qalasy mektepteriniń segiz mektebinde jáne Pavlodar aýdanynyń eki mektebinde 2-synyp oqýshylary úshin «Shahmat úıreneıik» elektıvti kýrsyn engizý josparlanýda. Pılotty mektepterdiń 2-synyp oqýshylary fakýltatıv sabaqtarynda shahmat álemimen tanysatyn bolady. Pavlodar qalasy bilim berý bóliminiń habarlaýynsha, qala mektepterindegi shahmat úıirmeleriniń ashylýyna halyqaralyq grossmeıster A.Ankýdınova, halyqaralyq sport sheberleri V.Egorov, S.Nýkın, D.Mahnev, V.Grebenşıkov qatysty.
Úıirmeler jumysyn uıymdastyrý úshin ár bir mektepte mamandyrylǵan shahmat kabınetteri ashyldy. Kabınetter arnaıy shahmat ústelderimen, grossmeısterlik saǵattarmen jáne shahmattar jıyntyǵymen, ádebıettermen, oıyn úırenýge jáne oıyn taktıkalaryn jetildirýge arnalǵan, kompıýterlik baǵdarlamalarmen jabdyqtalǵan. Oqýshylarǵa sabaqtardy matematıka, fızıka, ınformatıka jáne dene shynyqtyrý pánderiniń muǵalimderi júrgizedi. Solardyń ishinde qala muǵalimderi arasyndaǵy shahmat oıyndarynyń qalalyq jáne oblystyq spartakıadasy sheńberindegi birneshe dúrkin júldegerleri men jeńimpazdary bar. Shahmat úıirmelerine qala bıýdjetinen 38,2 mln. teńge bólindi. Jyl sońyna deıin barlyǵy 2,5 myń oqýshyny qamtý josparlanyp otyr. Shahmat kabınetteriniń saltanatty ashylýy kezinde №16, 22, 25, 29, 37-shi mektepterdiń bazasynda shahmat klýbtarynyń prezentatsııasy ótkiziledi.
Aıta keteıik, atalǵan jobany iske asyrý úshin Pavlodar oblysy kezdeısoq tańdalyp alynǵan joq. Sebebi oblysta úsh myńnan astam bala shahmatpen shuǵyldanady. Oblysta jyl saıyn mektep spartakıadalary sheńberinde shahmat týrnırlary ótkiziledi. Jyl saıyn bul jarystarda shahmat oınaýshy balalardyń sany artýda.
