Pavlodar oblysynda 2 myńnan astam pırotehnıka tárkilendi
PAVLODAR. QazAqparat - Pavlodarlyq tártip saqshylary 3 kún ishinde pırotehnıkalyq ónimderdi zańsyz saýdalaýdyń 9 faktisin anyqtady, dep habarlaıdy QazAqparat.
«Saýyqtyrý sharasynyń birinshi kúninde-aq Pavlodar aýdandyq polıtsııa bóliminiń qyzmetkerleri Mıchýrıno, Rozovka jáne Chernoretsk aýyldarynan pırotehnıkalyq ónimderdi tıisti qujattarsyz saýdalaýdyń 3 faktisin anyqtady»,-dep habarlady Pavlodar oblystyq Іshki ister departametiniń baspasóz qyzmeti.
Barlyq faktiler boıynsha QR QK-niń 196 baby negizinde (Taýarlardy nemese ózge de zattardy zańsyz saýdalaý) hattama toltyryldy.
Polıtsııa qyzmetkerleri 3 kún ishinde 2 myńnan astam pırotehnıkalyq ónimderdi tárkiledi. Saýda zańy talaptaryn buzǵany úshin olarǵa 25 aılyq eseptik kórsetkish kóleminde aıyppul salynýy múmkin.
Polıtsııa qyzmetindegilerdiń aıtýynsha, pırotehnıkalyq ónimderdi tıisti lıtsenzııasy bar arnaıy oryndardan ǵana satyp alýǵa bolady.
