Pavlodar oblysynda 2 lokomotıvtik quram soǵylyp, mashınıst zardap shekti
PAVLODAR. QazAqparat – Pavlodar oblysyndaǵy «Bogatyr» razrezinde eki lokomotıvtik quram apatqa usharady, dep habarlaıdy QazAqparat.
«14 qarashada saǵat 12:00-de «Bogatyr» razrezinde eki lokomotıv quramy soqtyǵysty. Bir mashınıst zardap shekti. Oǵan barlyq qajetti medıtsınalyq kómek kórsetildi. Qazirgi kezde onyń densaýlyǵy turaqty dep baǵalanýda. Sondaı-aq, basqa da jumysshylardyń densaýlyǵyna qater tóngen joq», - delingen Pavlodar oblysy ákimdiginiń málimetinde.
Aıta keteıik, atalǵan lokomotıv apatyna baılanysty Indýstrııalyq damý jáne ónerkásiptik qaýipsizdik komıtetiniń Pavlodar oblysy boıynsha departamentimen birlese tekserý sharalary júrip jatyr.
Qazirgi kezde «Bogatyr Kómir» JShS qyzmeti qalypty rejimde jumys isteýde.
