Pavlodar oblysynda 2 qabatty salyq basqarmasynyń ǵımaraty órtendi - QR TJM
ASTANA. 3 qyrkúıek. QazAqparat - Pavlodar oblysynda 2 qabatty salyq basqarmasynyń ǵımaraty órtendi, dep habarlady QR TJM-niń baspasóz qyzmeti.
Keshe, 2 qyrkúıekte, Qaraǵandy oblysynda Stepnaıa 28 kóshesi boıyndaǵy jekemenshik úıdiń sharýa qurylymdary, sondaı-aq garajda turǵan «Aýdı» kóligi órtendi. Jalyn sharpyǵan aýmaq 20 sharshy metrdi qurady. Tilsiz jaýdy sóndirý barysynda 1963 jylǵy er adamnyń máıiti tabyldy. Oryn alǵan tótenshe jaǵdaıdy joıýǵa QR TJM Qaraǵandy oblysy boıynsha TJD órtke qarsy qyzmetiniń 9 adamy men 2 tehnıkasy jumyldyryldy.
Sol kúni Pavlodar oblysyna qarasty Tereńkól aýylynda 2 qabatty salyq basqarmasynyń ǵımaraty órtendi. Jalyn 6 sharshy metr jerdi sharpyp ótti. Qaza bolǵandar men zardap shekkender joq. Tilsiz jaýdy aýyzdyqtaýǵa QR TJM Pavlodar oblysy boıynsha TJD órtke qarsy qyzmetiniń 5 adamy men 1 tehnıkasy jumyldyryldy.
