Pavlodar oblysynda 18 jastaǵy stýdent kólge batyp ketti
PAVLODAR OBLYSY. QazAqparat – Ekibastuzdaǵy súńgýirler Toraıǵyr kólinen elordada JOO-da oqıtyn 18 jastaǵy stýdenttiń denesin alyp shyqty, dep habarlaıdy QazAqparat.
«Qaıǵyly oqıǵa keshe Toraıǵyr kólinde bolǵan. Jas jigittiń arnaıy jabdyqtalmaǵan jaǵajaıda sýǵa shomylyp júrip batyp ketkeni týraly habarlama TJ departamentine saǵat 14:20-da kelip tústi. Saǵat 14:40-ta onyń denesin tabý úshin Ekibastuz qalasynan súńgýirler toby jiberildi. 17:05-te olar jigittiń denesin sýdan alyp shyqty» delingen Pavlodar oblystyq TJD baspasóz qyzmetiniń habarlamasynda.
Qaza tapqan jigit – Baıanaýyl aýdanyndaǵy Leker aýylynyń turǵyny. Ol Nur-Sultan qalasynyń Agrarlyq ýnıversıtetinde oqyǵan. Kólde dostarymen birge demalyp júrgen.
Qazirgi kezde sot-medıtsınalyq saraptama taǵaıyndalyp, qaıǵyly oqıǵanyń sebepteri men mán-jaıy anyqtalyp jatyr.
