Pavlodar oblysynda 18 gektar orman alqaby órtendi - TJM
ASTANA. 23 sáýir. QazAqparat - Pavlodar oblysynda orman órti oryn aldy.
Bul týraly QazAqparat Tótenshe jaǵdaılar mınıstrligine silteme jasap habarlaıdy.
Tótenshe jaǵdaı keshe 22 sáýir kúni Lebıaji aýdanynyń mańynda ornalasqan Kókjal orman sharýashylyǵy aýmaǵynan shyqty. Mınıstrliktiń habarlaýynsha, ot jalyny sharpyǵan alań 18 gektardy quraıdy. Tilsiz jaý saldarynan qurban bolǵandar men japa shekkender joq. Órtti aýyzdyqtaýǵa «Ertis ormany» basqarmasynyń jeke quramynan 93 adam, 28 tehnıka birligi jáne bir tikushaq, Maılybaı jáne Maıqaraǵaı aýyldyq okrýgten 10 adam men 2 tehnıka birligi jáne Pavlodar oblysy Tótenshe jaǵdaılar departamentiniń órt sóndirý qyzmetiniń jeke quramdaǵy 6 adamy men 2 tehnıkasy jumyldyrylǵan.
