Pavlodar oblysynda 17 jyl buryn ápkesin óltirgen er adam ustaldy
PAVLODAR. QazAqparat - Óńirlik kommýnıkatsııalar qyzmetinde ótken baspasóz máslıhatynda oblystyq polıtsııa departamenti basshysynyń birinshi orynbasary Jasqaırat Qaıyrov 17 jyl buryn ápkesin óltirgen adamnyń ustalǵanyn málim etti, dep habarlaıdy QazAqparat Pavlodarnews.kz-ke silteme jasap.
Jasqaırat Qaıyrovtyń aıtýynsha, Jelezın aýdanynda er adam ápkesin óltirgen. Saraptama nátıjelerine sáıkes kináli adam ustaldy
«Tergeý bólimsheleriniń óndirisinde barlyǵy 2864 qylmystyq is boldy, onyń ishinde 1796 is ashylyp, sotqa joldandy, ashý paıyzy 75,2% qurady. 2004 jyldan beri qozǵalǵan qylmys ashyldy. Krımınaldyq polıtsııa qyzmetkerleri ótken jyldardaǵy 485 qylmys: onyń ishinde 1 adam óltirý, 2 densaýlyqqa aýyr zııan keltirý, 5 buzaqylyq, 10 tonaý, 1 qaraqshylyq shabýyl jáne 5 aıdap áketý isi ashyldy», dedi ol.
Al qylmyskerlerdi izdestirý boıynsha jyl basynan beri izdeýde júrgen 50 adam ustalǵan. Onyń ishinde 2016 jyly kisi óltirgen bir adam Reseıde qolǵa tústi.
«Búginde polıtsııa departamenti jedel qyzmettik jumystyń barlyq baǵyttary boıynsha ishki ister organdarynyń aldyna qoıylǵan mindetterdi tıimdi sheshýge múmkindik beretin turaqty rejımde jumys isteýde, - dep atap ótti oblystyq polıtsııa departamenti basshysynyń birinshi orynbasary.
