Pavlodar oblysynda 16 sáýirde joǵalyp ketken áıeldiń máıiti tabyldy

ASTANA. QazAqparat - Pavlodar oblysynda «Tursyn» sharýa qojalyǵynyń mańynda qardan 16 sáýirde joǵalyp ketken Ekibastuz qalasynyń 34 jastaǵy turǵynynyń zorlyq-zombylyq belgileri joq máıiti tabyldy, dep habarlaıdy polisia.kz saıty.

Jergilikti jerde polıtsııa qyzmetkerleri jumys isteýde. Oqıǵanyń mán-jaıy men sebepteri anyqtalýda. SME taǵaıyndaldy.

Esterińizge sala keteıik, 16 sáýirde Besqaýǵa aýylynyń turǵyndary VAZ-2104 avtokóligimen dalada joǵalyp ketken iri qara maldy izdeýge shyqqan. Saǵat 19.00 shamasynda jubaıy kólikke oralyp, áıelin kútedi. Áıeli oralmaǵan soń, er adam polıtsııaǵa júgingen.

Polıtsııa jedel-izdestirý is-sharalaryn júrgizdi. Іzdestirý-qutqarý jumystaryn júrgizý úshin úsh tehnıka jumyldyrylǵan. Tórt izdeý toby, onyń ishinde Ekibastuz q. PB jeke quramy, TJM qyzmetkerleri, eriktiler jáne jergilikti turǵyndar bar. Іzdeý jaqyn mańdaǵy eldi mekenderdiń dala alqaptarynda júrgizildi. Baǵdarlar barlyq qalalyq jáne aýdandyq polıtsııa bólimderine jiberildi.