Pavlodar oblysynda 146 júrgizýshi jeti jylǵa kólik tizginine otyrý quqyǵynan aıyrylǵan
PAVLORDAR. QazAqparat – Pavlodar oblysynda 146 júrgizýshi 7 jylǵa kólik tizginine otyrý quqyǵynan aıyrylǵan, dep habarlaıdy QazAqparat Pavlodarnews.kz-ke silteme jasap.
Pavlodar oblysy polıtsııa departamentiniń baspasóz qyzmeti jol qozǵalysyndaǵy quqyq buzýshylyq týraly statıstıkany málim etti.
«Tizimdi jyldam júrýdi «jaqsy kóretin» júrgizýshiler basqarady. 2020 jyldyń 7 aıy ishinde 9731 júrgizýshi jyldamdyqty asyrǵan. Qaýipsizdik beldigin elemeıtin júrgizýshiler de olardan qalysy emes, olar – 4 593 adam. Júrgizýshiler men jaıaý júrginshiler - eki teń jol qozǵalysyna qatysýshy jáne barlyq jol qozǵalysy erejelerine birdeı baǵynady. Ókinishke oraı, jaıaý júrginshiler erejelerdi qatań saqtaı almaıdy. 7 aı ishinde belgilenbegen jerde júrý bóliginen ótkeni úshin 3 544 turǵyn jaýapqa tartyldy, - delingen habarlamada.
Baǵdarshamnyń tyıym salatyn sıgnalyna jol júrgeni úshin oblystyń 1 894 turǵynyna qatysty ákimshilik materıaldar toltyrylǵan.
«Jyl basynan beri 734 júrgizýshi mas kúıinde bola tura rólge otyrǵan. Onyń ishinde 146 adam 7 jyl merzimge júrgizýshi quqyǵynan aıyryldy. 766 júrgizýshi 15 táýlikke qamaýǵa alyndy», delingen habarlamada.
