Pavlodar oblysynda 14 aýylǵa taza aýyz sý berildi
PAVLODAR. QazAqparat - Pavlodar oblysynyń taǵy 10 myń turǵyny sapaly aýyz sýǵa qol jetkizdi, dep habarlaıdy QazAqparat óńir basshysynyń baspasóz qyzmetine silteme jasap.
6 qarashada Maı toptyq sý qubyrynda (MTSQ) sý tazartatyn tehnologııalyq jabdyq iske qosylyp, Maı aýdanynyń 10 myń adam turatyn 14 aýyldyq eldi mekeni tazartylǵan aýyz sýmen qamtamasyz etildi. 15 jeltoqsanǵa deıin Kóktóbe aýylyndaǵy kentishilik jelilerdiń ekinshi kezeńiniń qurylysy aıaqtalady.
Esterińizge sala keteıik, MTSQ qurylysyna tapsyrys berýshi - QR Ekologııa, geologııa jáne tabıǵı resýrstar mınıstrliginiń Sý resýrstary komıteti, bas merdiger - «Qazsýshar» RMK. Al 14 aýyldyq eldi mekendegi kentishilik jeliler qurylysyna tapsyrys berýshi - Maı aýdanynyń ákimdigi.
