Pavlodar oblysynda 13 jastaǵy qyz bala koronavırýs juqtyrdy
PAVLODAR. QazAqparat – Pavlodar oblysynda búgin saǵat 17:45-tegi málimet boıynsha, taǵy bir adam koronavırýs juqtyrǵan, dep habarlaıdy QazAqparat.
COVID-19-dy Pavlodar qalasynda turatyn 13 jastaǵy qyz bala juqtyrǵan. Bul 2006 jylǵy qyz bala JRVI dıagnozyna tekserildi, koronovırýs ınfektsııasy búgin anyqtaldy.
Qazirgi ýaqytta baılanysta bolýy múmkin adamdar toby anyqtalyp jatyr, olardy oqshaýlaý boıynsha jumys júrgizilip jatyr. Epıdemııaǵa qarsy sharalar qolǵa alynǵan.
Búgingi jaǵdaı boıynsha Pavlodar oblysynda koronavırýs ınfektsııasyn juqtyrǵan 89 adam tirkelgen.
