Pavlodar oblysynda 13 sáýirden bastap karantın engiziledi
Pavlodar oblysynyń Bas memlekettik sanıtarlyq dárigeri Zámzágúl Doşanova resmı qaýly qabyldady.
Qaýlyǵa sáıkes Pavlodar oblysynyń aýmaǵynda 2020 jylǵy 13 sáýirde saǵat 00.00-den bastap kásipkerlik jáne (nemese) ózge qyzmetterdiń jáne turǵyndar ómiriniń erekshe sharttarymen karantın rejımi engiziledi. Pavlodar oblysynyń ákimdigi, polıtsııa departamenti jáne barlyq múddeli memlekettik organdar halyqtyń tynys-tirshiligin qamtamasyz etý uıymdarynyń qyzmetkerlerin; medıtsınalyq kórsetkishter boıynsha shyǵatyn jáne keletin adamdarǵa; karantındi engizý kezeńinde statsıonarlarda jáne karantındik jáne provızorlyq statsıonarlarda emdelýde júrgen adamdarǵa; shuǵyl mamandandyrylǵan kómekke muqtaj azamattarǵa; karantındik sharalardy qabyldaý shartymen rastaıtyn qujaty (anyqtama, jedelhat jáne t. b.) bolǵan kezde jaqyndarynyń qaıtys bolýyna baılanysty ketetin/keletin adamdarǵa; rastaıtyn qujatty usynǵan kezde kóktemgi egis jumystaryn, tabıǵatty qorǵaý, veterınarlyq, aýyl sharýashylyǵy is-sharalaryn, baılanys obektileriniń qyzmetin júrgizýge tartylǵan adamdardy qospaǵanda, oblystyń, qalalardyń, aýdandardyń jáne aýyldyq aımaqtardyń aýmaǵyna shyǵýyna jáne kirýine tyıym salynady dep atap kórsetilgen qujatta.
Sondaı aq avarııalyq-qutqarý qyzmetteriniń, jedel medıtsınalyq kómektiń qoljetimdiligin jáne úzdiksiz jumysyn qamtamasyz etýdi eskere otyryp, karantındik aımaqqa kirý/shyǵý pýnktterin anyqtaý; kvartaldar men sektorlarǵa bólip, oblystyń, qalalardyń, aýdandardyń jáne aýyldyq aımaqtardyń blok-beketterin belgileı otyryp, karantındik aımaqta júrýdi shekteý; KVI indeti tirkelgen aýmaqtardy polıtsııa departamentiniń qyzmetkerlerin tarta otyryp qorshaý; oblystyń aýyldyq aımaqtarynda áýejaıdyń, temir jol vokzaldarynyń, avtovokzaldar men avtostantsııalardyń qyzmetin toqtata turý, qalaaralyq, aýdanaralyq avtobýs qatynastaryna, sondaı-aq jeke tirkelmegen tasymaldaýǵa tyıym salý; tótenshe jaǵdaı kezinde zeınetaqy, AÁK jáne basqa da áleýmettik tólemderdi alýǵa qajettiligi bar jeke tulǵalarǵa qyzmet kórsetýge arnalǵan jáne osy sanattaǵy tulǵalar úshin ózge de qyzmetterdi kórsetýge arnalǵan bólimshelerdiń úı-jaılaryn qospaǵanda, ekinshi deńgeıdegi bankter fılıaldarynyń, bólimsheleriniń jáne «Qazposhta» AQ bólimsheleriniń úı-jaılaryn jabý; úı-jaılarda osy sanattaǵy adamdardyń kútý aımaǵynda 2 metr qashyqtyqty belgileý, mindetti maskalyq rejımdi jáne sanıtaızerlerdi ornatýdy qamtamasyz etý kózdelgen.
Buǵan qosa qaýlyda ýákiletti uıymdardyń shetel valıýtasymen aıyrbastaý operatsııalaryn júzege asyrý jónindegi qyzmetin toqtata turý; dezınfektsııalyq rejımdi kúsheıte otyryp, aýyl sharýashylyǵy tehnıkasyna arnalǵan qosalqy bólshekterdi, AJS satý obektilerin qospaǵanda, menshik nysanyna qaramastan, mektepke deıingi balalar mekemeleriniń, qyzmet kórsetý salasy obektileriniń (lombardtar, qoǵamdyq tamaqtaný obektileri, sanatorııler men profılaktorııler, kalıandar, kitaphanalar, mádenıet úıleri, kınoteatrlar, teatrlar, balalar ortalyqtary, fıtnes jáne jattyqtyrý zaldary, sport keshenderi, mektepten tys qosymsha bilim berý uıymdary, kompıýterlik jáne oıyn klýbtary, bılıard, boýlıng-ortalyqtary, basseınder, saýnalar, monshalar, demalys bazalary, TQS, výlkanızatsııa obektileri, avtojýý jáne t. b.) qyzmetin toqtata turý; iri saýda obektileriniń, jármeńkelerdiń, azyq-túlik jáne azyq-túlik emes taýarlar rynoktarynyń, avtomobıl, zattaı jáne adamdar kóp jınalatyn basqa da obektilerdiń jumysyn toqtata turý; tranzıttik júkterdi qospaǵanda, qoǵamdyq kóliktiń jumysyn toqtata turý; polıtsııa departamentiniń, qorǵanys departamentiniń kúshterin tarta otyryp, karantındik aýmaqty patrýldeý; dinı maqsattaǵy obektilerdiń jumysyn toqtata turý; tamaq ónimderin, dári-dármekterdi satý boıynsha obektilerdiń jumys rejımin saǵat 9.00-den 20.00-ge deıin shekteý; oblystyń, qalalardyń, aýdandardyń jáne aýyldyq aımaqtardyń ishinde jeke kóliktiń ornyn aýystyrýdy shekteý; azyq-túlikti, birinshi kezektegi qajetti zattardy, dárilik zattar men medıtsınalyq buıymdardy satyp alýdy qospaǵanda, turǵyndardyń turǵyn úıden shyǵýyn shekteý; rastaıtyn qujatty kórsetken kezde jumysqa shyǵý; turǵylyqty jeri boıynsha otbasylyq is-sharalardy ótkizýge tyıym salý; 65 jastan asqan adamdarǵa jáne erip júrýinsiz on segiz jasqa tolmaǵan adamdarǵa turǵyn úıden shyǵýǵa tyıym salý; adamdardyń jappaı jınalatyn oryndaryna (saıabaqtar, skverler, jaǵalaýlar, alańdar, sport, aýla, balalar jáne oıyn alańdary) barýǵa tyıym salý; quqyq qorǵaý men arnaıy organdar, medıtsınalyq mekemeler, kommýnaldyq qyzmetter, halyqtyń tynys-tirshiligin qamtamasyz etetin nysandardan basqa barlyq uıymdardyń qyzmetin toqtata turýdy nemese qashyqtyq rejımine ne onlaınǵa kóshirý; karantınge tartylǵan barlyq qyzmetterdi shekteý sharalaryn júrgizý kezinde bıologııalyq qaýipsizdik rejımimen qamtamasyz etý, olardy jeke qorǵanysh zattarymen, jeke gıgıenasyn saqtaýǵa qajet sharttarmen, zattarmen qamtamasyz etý, avtomobılderdi ótkizý beketteri men blokbeketterde halyqaralyq avtomobıl júk tasymalyn iske asyratyn shyǵatyn avtokólikti dezınfektsııalyq óńdeý; qashyqtyqta qyzmet kórsetýge kóshýine oraı tegin dári-dármek jetkizip, patsıentterge úıde qyzmet kórsetý úshin emhanalardy qosymsha kólikpen qamtý; turǵyn úılerdiń kireberisterinde, lıftilerinde, memlekettik jáne memlekettik emes mekemelerde dezınfektsııalyq quraldardy paıdalana otyryp, osy salada jumys tájirıbesi bar mamandandyrylǵan uıymdardyń ne kásiptik daıarlyqtan jáne nusqamadan ótken mamandardyń kúnine keminde 2 ret ylǵaldy jınaý júrgizýdi qamtamasyz etý; azamattardyń kóshelerge shyǵý quqyǵynsyz úı karantıni rejımin saqtaý boıynsha baqylaý jumystarymen qamtý; kósheler men qala qurylystaryna dezınfektsııa júrgizýdi uıymdastyrý (jeke dezınfektsııalyq kampanııalarmen); qalanyń azyq-túlik qaýipsizdigin qamtý men jaǵdaıyna baqylaý júrgizý; azyq-túlik saýda oryndary men dárihana nysandarynda, jumys oryndarynda bir birinen keminde 2 metr araqashyqtyqty saqtaý, betperde men qoldar úshin dezınfektsııalyq zatty qoldaný nemese bir ret qoldanylatyn qolǵaptar bólý; turǵyndardyń turǵylyqty jerden tys jerde júrý kezinde betperdelik rejımdi saqtaý; karantın rejımin saqtamaıtyn adamdardy ákimshilik jaýapkershilikke tartý qarastyrylǵan.
Sonymen qatar osy qujatta Pavlodar oblysynyń densaýlyq saqtaý basqarmasy: 1) koronavırýs ınfektsııasyna kúdikti, joǵary temperatýraly KVI uqsas belgileri bar naýqastardy anyqtaý men oqshaýlaýdy, koronavırýs ınfektsııasymen naýqastardy taýarlar men kórsetiletin qyzmetterdiń sapasy men qaýipsizdigin baqylaý departamentiniń aýmaqtyq basqarmalaryn birden habardar etýmen naýqastardyń emdelýin qamtamasyz etsin; 2) em men medıtsınalyq tekseristen qashqaqtap júrgen naýqastar men qatynastaǵylardy izdestirýge polıtsııa departamentimen birlesip sharalar qoldansyn; 3) densaýlyq saqtaý uıymdarynda, karantın úshin belgilegen úı-jaılarda, sondaı-aq medıtsına qyzmetkerleri úıde medıtsınalyq kómek kórsetý kezinde aýdıo, foto jáne beıne túsirilimderdi júrgizýge tyıym salsyn; 4) tegin ambýlatorııalyq dári-dármekpen qamtamasyz etý sheńberinde patsıentterge úıge retsepterdi onlaın-berýdi nemese jetkizýdi uıymdastyrsyn; 5) BMSK dárigerlerin qabyldaýdy jáne ambýlatorııalyq-emhanalyq uıymdar dárigerleriniń konsýltatsııasyn qashyqtyqtan qyzmet kórsetý formatyna aýystyrsyn; 6) josparly medıtsınalyq qyzmet kórsetýdi shekteý/toqtatý boıynsha sheshim qabyldasyn (josparlyq gospıtaldaý, profılaktıkalyq qaralý, skrınıngter, ońaltý); 7) medıtsınalyq personaldyń ınfektsııalyq qaýipsizdigin qamtamasyz etsin; 8) avtomobıl ótkizý beketterinde, blok-beketterde oblysqa kirip/shyǵatyn tulǵalarǵa qatynassyz termometrııa, saýalnama júrgizsin; 9) memlekettik shekaranyń avtomobıl ótkizý pýnkterinde ekspress-testileý (kórsetkishter boıynsha) júrgizsin; 10) provızorly, ınfektsııalyq jáne karantındi bólimder (aýrýhanalardan) aýmaqtarynan shyǵatyn avtomobıl kólikterine dezınfektsııalyq óńdeý júrgizilsin dep atap kórsetilgen.
Pavlodar oblysynyń kásipkerlik jáne saýda basqarmasy sharýashylyq sýbektileri, saýda nysandary, kommýnaldyq qyzmetter basqa da uıymdar basshylarymen karantın aýmaǵyna kirý/shyǵý boıynsha týálik ishinde túsindirmelik jumystar júrgizsin; kezekter boıynsha júıeli jumysty uıymdastyryp, azyq-túlik bólimderine kirer jerde kezekte qashyqtyqty saqtaý boıynsha aqparattyq tablo uıymdastyrsyn; dúkender, sýpermarketter men saýda úıleriniń barlyq kassalary aldynda ár 2 metr saıyn qozǵalys jolaǵy men qashyqtyq syzyǵyn-«jol belgisin» ornalastyrsyn; kassaǵa deıin 10 metr jerde qosymsha bógetter ornatsyn; kassırler jumysyn jeke qorǵanysh zattyrmen qamtamasyz etsin (betperdeler, qolǵaptar, antıseptıkter paıdalaný); kásipkerlik nysandaryna úıge azyq-túlikti jetkizý boıynsha taýarlardy onlaın satyp alý-satýda barynsha ınternet-resýrstardy paıdalanýǵa usynys bersin.
Ónerkásip kásiporyndarynyń sýbektileri (obektileri) nysanǵa kire beriske dezınfektsııalyq kedergi qoısyn (kilemshe), ony dezınfektsııalyq quralmen únemi sýlandyryp otyrsyn; qoldardy óńdeý úshin sanıtaızerlerdi ornatsyn; ótkizý beketterinde qatynassyz termometr nemese teplovızor qoldansyn; vırýsty juqpalarǵa kúdiktini jumysqa jibermesin; vırýsty ınfektsııaǵa kúdiktilerdi ýaqytsha oqshaýlaý úshin ızolıator qarastyrsyn; dezınfektsııalyq rejımdi kúsheıtsin (arnaıy dezınfektsııalyq quraldarmen ústelderdi, oryndyqtardy, eskalatorlardyń tutqalaryn, satylar men esikterdi, baspaldaqtar jaqtaýlaryn, lıftterdi jáne edenderdi árbir úsh saǵat saıyn óńdeý); bólmelerdi únemi jeldetip otyrsyn, qajet bolǵanda bakterıtsıdti sham arqyly aýany zarasyzdandyrsyn; jumys aýysymy aıaqtalǵannan keıin dezınfektsııalyq quraldardy qoldana otyryp, barlyq bólmelerde jınastyrylyp jýý júrgizilsin; nysanǵa kiretin/shyǵatyn aýmaqta dezınfektsııalyq zattarmen táýligine 1 retten kem emes óńdeý júrgizsin; tamaqtaný oryndarynda sharalardy saqtasyn: óz-ózine qyzmet kórsetýine tyıym salsyn; personal jumysy kezinde bir rettik betperde men qolǵaptardy paıdalansyn (3 saǵatta 1 ret aýystyrý); jiti respıratorlyq juqpalary bar personaldy jumysqa jibermesin; qoldardy óńdeý úshin sanıtaızerler ornatsyn; bólmeler men quraldar-jabdyqtardy kúsheıtilgen dez.rejımmen qamtamasyz etsin.
Osy qaýly 2020 jylǵy 13 sáýirde saǵat 00.00-den bastap kúshine enedi.