Pavlodar oblysynda 13 myńǵa jýyq bala mektep tabaldyryǵyn attaıdy

 Ótken jylmen salystyrǵanda 1-synypqa baratyn búldirshinderdiń sany shamamen 500-ge artqan, dep habarlaıdy pavlodarnews.kz .

 Bul týraly agenttiktiń joldaǵan resmı saýal hatyna bergen jaýabynda oblystyq bilim berý basqarmasy basshysynyń orynbasary Jomart Qarambaev málim etken. - Aýdandyq, qalalyq bilim berý bólimderi men oblystyq mamandandyrylǵan mektepterdiń aldyn ala málimetteri boıynsha jańa oqý jylynda Pavlodar qalasynyń bilim ordalaryna baratyn balǵyndardyń sany tórt myńnan asty. Ótken jyly óńir boıynsha 1-synyp oqýshylarynyń sany 12528 bolsa, 2015-2016 oqý jyly 11758-di quraǵan. QR «Bilim týraly» Zańyna sáıkes 1-synypqa alty jáne jeti jasqa tolǵan balalar qabyldanady. Qazirgi ýaqytta ata-analardyń basym bóligi balalaryn jeti jastan bergendi jón kóredi, - deıdi Jomart Qarambaev.

Aıta keteıik, búgingi tańda óńirdegi mektepter sany - 375. Oqý jylynyń sońynda oqýshylar sany  96376 balany quraǵan.