Pavlodar oblysynda 12 myńnan astam adam temir tapshylyǵynan zardap shegedi
PAVLODAR. QazAqparat - Pavlodar oblysynda 12 myńnan astam adam temir tapshylyǵy anemııasynan zardap shegedi. Bul týraly densaýlyq saqtaý basqarmasynyń alqa májilisinde qoǵamdyq densaýlyq saqtaý departamentiniń basshysy Irına Sorokına aıtty, dep habarlaıdy pavlodarnews.kz .
- Basty másele joǵary jáne birinshi sortty undy fortıfıkatsııalaýǵa kelip tireledi, - dedi Irına Sorokına. - Óńirde mundaı un «Inter» jáne «Ulan» dıirmenderinde ǵana shyǵarylady. Osy máselege qatysty apta saıyn memlekettik organdarmen, óndirýshilermen kezdesý ótkiziledi.
Qoǵamdyq densaýlyq saqtaý departamenti basshysynyń aıtýynsha, áleýmettik jáne densaýlyq saqtaý nysandarynda baıytylǵan un qandaı mólsherde tutynylatyndyǵyna saraptama júrgizilgen. Nátıjesinde densaýlyq saqtaý salasynda 27 paıyzy ǵana temirmen baıytylǵan un qoldanatyny anyqtalǵan.
Oblys ákimi Bolat Baqaýov óziniń orynbasary Baýyrjan Qasenovqa bıdaı óndirý kásiporyndarymen jıyn ótkizýdi jáne 2018 jyldyń birinshi toqsanynda bul máseleni sheshýdi tapsyrdy.
