Pavlodar oblysynda 1169 bala azamattar otbasyna tárbıeleýge berilgen

 Bul týraly bilim berý basqarmasy basshysynyń mindetin atqarýshy Jomart Qarambaev aıtty, dep habarlaıdy pavlodarnews.kz .

 «Onyń ishinde 799 jetkinshek - qamqorshylyq jáne qorǵanshylyqqa, 118 bala patronattyq tárbıege tapsyrylǵan jáne 252 bala asyrap alynǵan», - deıdi Jomart Qarambaev. - Aǵymdaǵy jyly qańtar aıynan bastap otbasylyq ornalastyrýdyń jańa nysandary engizildi - qabyldaý jáne qonaq otbasy. Qazirgi ýaqytta Jelezın, Ýspen jáne Kachır aýdandarynda 18 bala qabyldaǵan tórt otbasy quryldy. Olardyń ata-analary - bizdiń pedagogtar. Óńirde jeti arnaıy jalpy orta bilim berý mektepteri men mektep-ınternattarda  840 bala bilim alady. Vedomstvo usynǵan aqparatqa súıensek, jetim jáne ata-anasynyń qamqorlyǵynsyz qalǵan balalar úshin oblysta jalpy kontıngenti 529 adamdy quraıtyn 13 bilim berý uıymy jumys jasaıdy. Onyń ishinde 91-i kámelet jasyna kelse de 23 jasqa deıin jastar úıinde tegin turý múmkindigine ıe".

 Eske sala keteıik, bıyl Jelezın aýdanynyń Joltaptyq aýylynda alǵashqy qabyldaýshy otbasy retinde Sergeı Drýzık jáne Nadejda Alekseevna Kachır balalar úıinen tórt balany qabyldady. Ýspen balalar úıinen bir januıadan shyqqan bes balany qamqorlyǵyna alǵan Vadım Moroz ben Tamara Moroz bir kúnde kóp balaly otbasy atanǵan bolatyn.