Pavlodar oblysynda 10 kólik soqtyǵysyp qaldy
PAVLODAR. QazAqparat – Jol-kólik oqıǵasy joldyń nashar kórinýi saldarynan boldy, dep habarlaıdy QazAqparat tilshisi.
«Rebrovka aýylynyń mańaıynda, Lenınskıı-Rýsskaıa polıana avtojolynyń 19-shy shaqyrymynda joldyń nashar kórinýinen úsh aýyr júk kóligi jáne jeti jeńil avtokólik soqtyǵysty», - dep habarlady Pavlodar oblysy Polıtsııa departamenti basshysynyń birinshi orynbasary Jasqaırat Qaıyrov.
Apat Lenınskıı-Irtyshsk tasjolynda boldy. Onyń aıtýynsha, túrli jaraqat alǵan úsh adam Pavlodar qalasynyń medıtsınalyq mekemelerine jetkizilgen.
Oqıǵa ornynda Aqsý qalasynyń polıtsııa bólimshesiniń jedel tergeý toby, avtokólikterdi ajyratyp, jaraqat alǵandardy qaýipsiz jerge shyǵarý maqsatynda TJ bólimshesiniń qyzmetkerleri jumys istep jatyr. Jol-kólik oqıǵasynyń mán-jaıy anyqtalýda.
