Pavlodar oblysyna Shymkentten kelgen turǵynnan koronavırýs anyqtaldy
PAVLODAR. QazAqparat – Búgin saǵat 23:00-degi aqparat boıynsha Pavlodar oblysynda 5 adamnyń koronavırýs juqtyrǵany málim boldy, dep habarlaıdy QazAqparat.
Tótenshe jaǵdaı rejımin qamtamasyz etý jónindegi Memlekettik komıssııanyń Jedel shtabynyń málimetterinshe, vırýsty juqtyrǵan adamdardyń tórteýi Pavlodar oblysynyń turǵyndary.
Olar: 1984, 1979, 1963 jyldary týǵan áıel adam jáne 2011 jylǵy ul bala. Turǵylyqty jeri boıynsha baılanysta bolýy múmkin bolǵany úshin úı karantıni rejımin saqtap otyrǵan. COVID-19 vırýsyn juqtyrǵany anyqtalǵannan keıin olar juqpaly aýrýlar statsıonaryna jatqyzylǵan.
Sondaı-aq, koronavırýs ınfektsııasy Mıchýrıno aýylynyń mańyndaǵy blokposttan ótpekshi bolǵan Shymkent qalasynyń turǵyny, 1986 jyly týǵan er adamnan anyqtalǵan. Onyń qolynda COVID-19 aýrýyn juqtyrmaǵanyn rastaıtyn anyqtama bolmaǵandyqtan, ol karantındik statsıonarǵa jetkizilgen. Osylaısha, tekserý nátıjeleri boıynsha onyń koronavırýsty juqtyrǵany anyqtalǵan. Ulttyq saraptaý ortalyǵynyń oblystyq bólimshesiniń mamandary páterlerde, úılerdiń kireberisterinde, karantındik gospıtalde, jumys oryndarynda zararsyzdandyrý jumystaryn júrgizdi.
«Barlyq jaǵdaı boıynsha baılanysta bolýy múmkin adamdar toby anyqtalyp, olardy oqshaýlaý jumystary júrgizilip jatyr. Epıdemııaǵa qarsy sharalar qolǵa alynǵan»,-delingen habarlamada.
Qazirgi tańda Pavlodar oblysynda koronavırýs ınfektsııasyn juqtyrǵandar 110 adam bar.
