Pavlodar oblysyna shet memleketterden COVID-19 juqtyrǵan 108 adam kelgen
PAVLODAR. QazAqparat - QR Memlekettik shekarasynyń Pavlodar oblysynyń aýmaǵyndaǵy bóliginde 4 avtokólik ótkizý pýnktinde, azamattardyń el aýmaǵyna kelýine monıtorıng táýlik boıy júrgizilip keledi.
Bul týraly QazAqparat QR Úkimeti janyndaǵy Qazaqstanda koronavırýstyń taralýyna jol bermeý jónindegi vedomstvoaralyq komıssııanyń Telegram kanalyna silteme jasap habarlaıdy.
Onda jarııalanǵan málimetterge qaraǵanda, búgingi kúni 14 014 PTR-zertteý júrgizilip, COVID-19-dyń shetten ákelingen 108 jaǵdaıy tirkelgen.⠀
Shekteýler sharalary engizilgen sátten bastap Pavlodar oblysyna 52 133 adam (ortasha eseppen táýligine 150-400 adam), onyń ishinde 32 980 - halyqaralyq tasymaldardy júzege asyratyn júrgizýshiler jáne 19 153 jolaýshy kelgen.⠀
PTR-tekserý úshin karantındik statsıonarlarǵa 1 915 QR azamaty ornalastyrylǵan. Anyqtamasyz kelgen 747 shetel azamattary shekaradan keri qaıtaryldy.⠀
Sońǵy táýlikte shekaradan 303 adam ótti (118 jaıaý, 185 júk kóliginiń júrgizýshisi), karantındik statsıonarǵa 5 qazaqstandyq ornalastyrylǵan.⠀
Bir táýlik ishinde «Úrlitóbe» beketinde COVID-19-dyń 3 rastalǵan jaǵdaıy (sımptomsyz) anyqtaldy. Úsheýi de eki jaqty júk tasymaldaýdy júzege asyratyn júrgizýshiler. Ekeýi Pavlodar qalasynyń jáne bireýi Petropavl qalasynyń turǵyndary.
Sondaı-aq, 2021 jyldyń 14 qańtarynda PTR taldaýynyń teris nátıjesi kórsetilgen anyqtamasyz shekaradan ótpek bolǵan Ózbekstan azamatyna elge kirýine tyıym salyndy.
