Pavlodar oblysyna ońtústikten kóship kelgen otbasy aýylda kirpish tsehyn ashty
Búginde Sharbaqty aýdanynyń Shegiren aýylynda Qytaı elinen jáne ońtústik aımaqtan qonys aýdarǵan 20 shaqty otbasy turyp jatyr, dep habarlaıdy Ravlodarnews.kz.
Olardyń biri - 2019 jyly 19 qazanda memleketimizdiń ishki kóshi-qon saıasaty boıynsha otbasymen ońtústikten kelgen Jeńisgúl Qurmanbek.
«Adal eńbekpen mal izdemek - arly adamnyń isi» degen naqyl sóz bar. Іzdenseń, kez kelgen kásip tabyssyz qaldyrmaıdy eken. Bastysy kásip kózin ashyp, erinbeı eńbektenip, talpyný kerek. Balalarymyz Shegiren orta mektebinde oqıdy, barlyǵynyń jaǵdaılary jaqsy. Kóship kelgen azamattar Sharbaqty aýdandyq ákimshiligine, «Atameken» kásipkerler palatasyna, jumyspen qamtý ortalyǵyna basqa da quzyrly mekemelerdiń bergen kómegine, atqaryp otyrǵan isine dán rıza jáne alǵysymyzdy aıtamyz, - deıdi Jeńisgúl Qurmanbek.
Pavlodar oblysy boıynsha «Atameken» kásipkerlik palatasynda Shegiren aýylynyń turǵyndary da kelgen qandastarymyzǵa demeý bolyp, biri shóp, biri otynǵa kómek qoldaryn sozyp, jat jerge sińisip ketýge kómektesýde ekenin aıtady.
Jeńisgúl Qurmanbek qonys aýdarǵan soń birden «Bastaý bıznes» boıynsha oqý oqyp, shaǵyn bıznesin bastaýǵa jáne qajetti qujattaryn durystap tapsyrý úshin kásipkerler palatasynan ádistemelik kómek alyp, sertıfıkat pen qaıtarymsyz grantqa ıe bolǵan.
Ári qaraı «Atameken» kásipkerlik palatasynyń qoldaýymen 4 mıllıon teńge kóleminde shaǵyn nesıe alyp, oǵan 20 sıyr jáne óz karajatyna 50 qoı alǵan. Munymen shektelip qalmaı, «Dımash» atty jeke kásipkerligin ashyp, shaǵyn kirpish zaýytyn iske qosty.
- Kórshiles aýyldardan jáne Shegiren aýylda da kirpishke suranys kóbeıip keledi. Baǵasy qoljetimdi bolǵandyqtan, satyp alynǵan kirpishke úı, mal qora turǵyzyp jatyrmyz. Onyń ústine mal sharýashylyǵyn damytýǵa baılanysty jer alý konkýrsyna qatysyp, 427 gektar jerge ıe boldyq. Traktor satyp alyp, mal azyǵyn daıyndadyq. Shaǵyn kásip úshin mal azyǵyn ózimiz daıyndap alý úlken demeý bolady. Bir jarym jylda biraz jumys atqaryldy, - deıdi aýyl turǵyny.
Jeke kásipker 2021 jylǵa qoıylǵan josparlarymen bólisti.
- Qolda bar múmkindikti paıdalana otyryp, asyl tuqymdy sıyr ósirýge, buqany bordaqylaý, sút ónimderin óndirip, aýyl mańyndaǵy shaǵyn kóldi alyp, balyq sharýashylyǵyn damytyp, aýyl turǵyndaryna jumys oryndaryn ashsaq degen oıymyz bar. Joldasym Jumajan - kıgiz jasaýdyń sheberi. Sondyqtan osyndaı qolóner buıymdaryn jasaýdy qolǵa alýǵa bel baılap otyrmyz. Sebebi qazirgi tańda naryqta qolóner, ulttyq buıymdar suranysqa ıe, - deıdi Jeńisgúl Qurmanbek.
