Pavlodar oblysyna koronavırýsqa qarsy vaktsınanyń alǵashqy partııasy jetkizildi

PAVLODAR. QazAqparat - Pavlodar oblysyna COVID-19 vaktsınasynyń alǵashqy partııasy kelip tústi. Bul týraly búgin Ravlodarnews.kz saıty habarlady.

Densaýlyq saqtaý mınıstrliginiń aqparaty boıynsha, Pavlodar oblysyna COVID-19-ǵa qarsy vaktsınanyń barlyǵy 80 myń dozasy bólindi.

«»Gam-KOVID-Vak« (Spýtnık V) preparatynyń alǵashqy – 1 200 dozasy 31 qańtarda aımaqqa jetkizilip, Ǵ.Sultanov atyńdaǵy Pavlodar oblystyq aýrýhananyń qoımasyna jetkizildi. Ǵ.Sultanov atyńdaǵy Pavlodar oblystyq aýrýhana kólemi 2,2 tekshe metr muzdatqyshpen jabdyqtalǵan. Jaqyn arada qoımaǵa 1,2 tekshe metr bolatyn taǵy úsh arnaıy muzdatqysh qoıylady. Qajet bolǵan jaǵdaıda medıtsına qyzmetkerleri oblystyq qan ortalyǵynyń qoımasyn iske qosady, onda 0,48 tekshe metr muzdatqysh ornatylǵan», - delingen oblystyq Densaýlyq saqtaý basqarmasynyń habarlamasynda.

Qalalar men aýdandardaǵy 31 emhanaǵa preparattar termokonteınerlerde jetkiziletin bolady.

Vaktsınalaý úshin alǵashqy medıtsınalyq-sanıtarlyq kómek mekemelerinde barlyǵy 107 egý kabıneti daıyndalǵan.
Egý naýqanyn sapaly ótkizý úshin 1125 medıtsına qyzmetkeri daıyndyq kýrsynan ótti. Vaktsınatsııa erikti negizde júrgiziledi.