Pavlodar oblysyna koronavırýs vaktsınasynyń jańa partııasy jetkizildi
PAVLODAR. QazAqparat – Pavlodar oblysyna koronavırýs vaktsınasynyń jańa partııasy jetkizildi. Ekpeni barlyq tilek bildirýshi turǵylyqty jeri boıynsha óz emhanasynan alady, dep habarlaıdy QazAqparat Pavlodarnews.kz-ke silteme jasap.
Pavlodar oblystyq densaýlyq saqtaý basqarmasynyń baspasóz qyzmetiniń málimetinshe, óńirge «Spýtnık V» nemese «Gam-KOVID-Vak»vaktsınasynyń jańa partııasy keldi.
«Keshe túnde óńirge ekinshi komponentti vaktsınanyń taǵy 1 200 dozasy jetkizildi. Sonymen qatar, 17 naýryzda úshinshi partııanyń birinshi komponentine 1 300 doza vaktsına kelip tústi. Birinshi komponent boıynsha Pavlodar oblysynyń 4 345 turǵyny ekpe aldy, ekinshi komponent boıynsha – 1 722. Ekpeni barlyq tilek bildirýshi turǵylyqty jeri boıynsha tirkelgen óz emhanasynan alady. Vaktsına alǵyńyz keletińiz týraly ýchaskelik dárigerge habarlaý kerek», delingen habarlamada.
Esterińizge sala keteıik, «Spýtnık V» birinshi partııasy aımaqqa qańtar aıynyń sońynda kelip tústi, vaktsınatsııa 1 aqpanda bastalǵan. Ekpe salý aldynda eriktilerdi dáriger tekseredi.
Pavlodarlyqtarǵa ekpe úshin aqy tóleýdiń qajeti joq. Pavlodar oblysyna bólingen preparattyń 80 myń dozasy respýblıkalyq bıýdjetten tólenedi
