Pavlodar oblysyna kóbinese qaı óńirlerden kóship keledi

PAVLODAR. QazAqparat - Pavlodar oblystyq statıstıka departamenti aımaqqa ózge memleketten 497 adam kóship kelgenin málimdedi. Onyń ishinde TMD elderinen 427 adam (82,9% Resseıden kelgen), al álemniń basqa elderinen 70 adam kóship keldi (47,1% Mońǵolııadan, 24,3% Germanııadan), dep habarlaıdy QazAqparat.

«Kóshi-qon qyzmeti organdary usynǵan málimetterdi óndeý nátıjesinde, 2021 jylǵy qańtar-jeltoqsanda elimizge turǵylyqty turýǵa kelgenderdiń sany 2020 jylǵy qańtar-jeltoqsanmen salystyrǵanda 8,9% azaıyp, 6386 adamdy quraǵan. Qazaqstannyń basqa óńirlerinen 5889 adam Pavlodar oblysyna kóship keldi, olardan 1647 adam (28%) – Nur-Sultan qalasynan, 930-y (15,8%) – Shyǵys Qazaqstan oblysynan», - dep jazdy departamentten.

Esepti kezeńde Pavlodar oblysynan respýblıka shegine 3352 adam, sonyń ishinde TMD elderine 2837 adam (98,2% Resseıge ketti), álemniń basqa elderine 515 adam qonys aýdardy (92,8% Germanııaǵa). Qazaqstannyń basqa óńirlerine 8334 adam kóship ketse, 4363 adam (52,4%) – Nur-Sultan qalasyna, 893 adam (10,7%) Almaty qalasyna qonys aýdardy.