Pavlodar oblysyna kelgen 75 myńnan astam adamnyń 142-si sımptomsyz KVI-ge shaldyqqan
NUR-SULTAN. QazAqparat - Pavlodar oblysynyń aýmaǵynda memlekettik shekaranyń 4 avtomobıl ótkizý pýnktinde QR azamattarynyń, sheteldikterdiń, azamattyǵy joq adamdardyń oryn aýystyrýyna monıtorıng belsendi júrgizilýde.
Bul týraly QazAqparat QR Úkimeti janyndaǵy Qazaqstanda koronavırýstyń taralýyna jol bermeý jónindegi vedomstvoaralyq komıssııanyń Telegram kanalyna silteme jasap habarlaıdy.
Shekteýler engizilgen sátten bastap Pavlodar oblysyna 75 418 adam keldi, onyń ishinde halyqaralyq tasymaldardy júzege asyratyn 48 109 júrgizýshi jáne 27 309 jolaýshy bar. PTR tekserýden ótý úshin karantın statsıonarlaryna QR 2 429 azamaty ornalastyryldy.
Jalpy, 22 093 adam PTR tekserýden ótti, sımptomsyz koronavırýsqa shaldyqqandardyń 142 jaǵdaıy anyqtaldy. Teris nátıjeli PTR anyqtamasyn usynbaǵany úshin 897 shetel azamatyna, oǵan qosa sońǵy táýlikte Reseı Federatsııasynyń eki azamatyna elge kirýge tyıym salyndy.
