Pavlodar oblysyna aýyl sharýashylyǵy kooperatıvterin qurý úshin 4 mlrd, 400 myń teńge bólindi

Bul týraly búgin oblys ortalyǵyndaǵy "Dostyq" kontsert zalynda ótken jıynda QR Aýyl sharýashylyǵy mınıstri Asqar Myrzahmetov málim etti, dep habarlaıdy pavlodarnews.kz.

Mınıstr Pavlodar óńirindegi aýyl sharýashylyǵy salasyndaǵy kásipkerlermen kezdesip, kooperatıv qurýdyń mańyzdylyǵyn túsindirdi. Kezdesý oblys ákimi Bolat Baqaýovtyń tóraǵalyǵymen ótti.    - Aýyl sharýashylyǵy kooperatıvterin qurýdy quptamaıtyndardyń kóbi - iri kásiporyn ókilderi. Olar: "Bizde ónim júktemesi áldeqashan qalyptasqan, sondyqtan kooperatıv kerek emes" degendi alǵa tartady. Biraq kooperatıv qurýdaǵy maqsatymyz - ondaı iri kásiporyndardy damytý emes, aýyldyń qarapaıym turǵyndaryn eńbekpen qamtý. Qazaqstanda aýyl sharýashylyǵy óniminiń 70-80 paıyzyn jeke qosalqy sharýashylyqtar óndirýde. Bul naqty dáleldengen fakt. Bul bireýge unasa endi bireýge unamaýy múmkin. Biraq, shyndyqqa týra qaraýymyz kerek. Alaıda, Pavlodardaǵy keıbir iri óndiris oryndary kooperatıv qurýdyń tıimdi jaqtaryn aıtýda. Biz osy jıynnyń aldynda óńirdegi "Molkom" JShS-ne baryp, basshylyǵynan kooperatıv qurý qanshalyqty durys degendi suradyq. Olar bul bastamany qos qoldap quptaıtynyn jetkizdi Sondyqtan, Elbasymyz bizge asa úlken mindet júktep otyr. Ony oryndaýymyz kerek. Osy tapsyrmalardy júzege asyrý úshin elimizde alǵash ret Kooperatsııa departamenti qurylýda. Sondaı-aq, osy baǵytta jumys isteıtin saıt ashylyp, turǵyndardyń suraǵyna jaýap beretin arnaıy ortalyq ta iske qosyldy. Jalpy, aýyl sharýashylyǵy kooperatıvterin qurý úshin bıýdjetten 52 mlrd. teńge bólingen. Onyń 4 mlrd. 400 mıllıony Pavlodar oblysyna baǵyttalǵan, - dedi Asqar Myrzahmetov.  

Aıta keteıik, Pavlodar oblysynda qazirgi tańda 70 aýyl sharýashylyǵy kooperatıvi bar. Onyń 48-i byltyr qurylǵan. Osy jyldyń sońyna deıin taǵy da 8 kooperatıv qurylady dep josparlanýda. Sút óńdeıtin kásiporyndardyń júktemeligi - 55%, al et óńdeıtin kásiporyndardyń júktemeligi - 68% quraıdy. Mınıstrdiń sózinshe, kooperatsııalar qurý barysynda Germanııa, Qytaı, Izraıl tárizdi damyǵan shet memlekettermen tájirıbe almasqan.

«Memleket tarapynan barlyq jaǵdaı jasalýda. Sharýalarǵa qarjylaı qoldaý kórsetý  baǵytynda birneshe baǵdarlama jumys isteýde. Endigi kezek ákimdikterdiń moınynda. ıAǵnı, jergilikti bılik memlekettik baǵdarlamalardy iske asyra otyryp, fermerlerdi aýyl sharýashylyǵy kooperatıvterine biriktirý jolynda aıanbaı ter tógedi degen senimdemiz», - dedi ol.   Jınalys barysynda aýyl sharýashylyǵy kooperatıvterine birigýdiń mańyzdylyǵy, aýyl halqyn jumyspen qamtý, egistik jerlerdiń qurylymyn ártaraptandyrý  jáne sýarmaly jerlerdiń kólemin arttyrý máseleleri de talqylandy. Sonymen qatar, aýyl jáne aýdandardan jınalǵan sharýa qojalyǵy ókilderiniń suraqtaryna jaýap berildi.