Pavlodar oblysyna 10 kúnnen keıin menıngıtke qarsy vaktsına jetkiziledi
PAVLODAR. QazAqparat - Pavlodar oblysyna on kúnnen keıin menıngıtke qarsy vaktsına jetkiziledi, dep habarlaıdy QazAqparat tilshisi.
«Qazirgi tańda oblysta menıngıtke qarsy ekpeni eshkim alyp jatqan joq», - dep habarlady búgin Pavlodar oblystyq densaýlyq saqtaý basqarmasynda.
Vedomstvonyń deregi boıynsha, qazir densaýlyq saqtaý basqarmasyna qarasty qoǵamdyq densaýlyq saqtaý departamentimen birge vedomstvoaralyq shtab qurylyp, menıngokokk ınfektsııasynyń taralýyn eskertý boıynsha is-sharalar jospary jasalǵan.
«Oblystyń medıtsınalyq uıymdary menıngokokk ınfektsııasy epıdemııasyna daıyn. Oblysta, Qazaqstan Respýblıkasyndaǵydaı epıdemııa joq», - dep habarlady oblystyq densaýlyq saqtaý basqarmasynan.
Bul ınfektsııaǵa qarsy vaktsınanyń quny 21 035 teńge. Ony Almaty qalasynan «Medservıs plıýs» JShS jetkizedi. Vaktsınatsııany Pavlodar qalasyndaǵy №2 emhanasynda júrgizedi.
Eske salaıyq, 2018 jyldyń basynan beri Pavlodar oblysynda menıngıtpen eki bala naýqastanyp, ekeýi de em qabyldap, jazylyp ketken.
Foto: iwantings.com
